محمد اسماعيل - القاهرة - كتب- هاني صابر: كشف الفنان جورج وسوف، عن سبب حرصه الذهاب إلى معظم الجاليات العربية في الدول الأجنبية، لتقديم حفلات غنائية، كما تحدث أيضا عن ابنته "عيون"، بالإضافة إلى طفولته. وقال جورج، ببرنامج "صاحبة السعادة" الذي تقدمه الفنانة والإعلامية اسعاد يونس: "طبعًا لو مش بحب مش هتعاقد ومش هروح الحفلات، عشان الناس المغتربين بروحلهم، وبحب أروحلهم، حاجة بتكبر القلب، وبحب أشوف الناس، وده شيء بيفرح قلبي، وبيغذي حياتي". وعن حضور ابنته "عيون" لاحدى حفلاته، فقال: "عيون بنتي حبيبتي، أول مرة تحضر، وكانت حفلة وخلاص، وكانت حالة خاصة جدًا، ومش عارف حياتها، وهي عايشة مع ولادها.. طبعًا كل واحد منهم عنده مستقبل، وعيون وجورج أكتر اتنين شبهي". وأضاف متحدثا عن طفولته: "كنت وأنا صغير، ليا فيلم وثائقي، ووالدي كان بيناديني وبيقولي أبو علي، عشان (علي) جدع وبيساعد أبوه، واخواتي ملتزمين وبيحضروا حفلات قليلة ليا، وكل شهر شهرين بروح أقعد معاهم، وأخواتي البنات متسجلين معايا في نفس اليوم، عشان في أيام الوالد والوالدة كان بيسجلوا الاتنين سوا، أختي أكبر مني بسنة، وأختي الصغيرة أصغر مني بسنة، وكنت شقي، وكنت دايمًا مع ربنا، وبخاف من الحاجات اللي فيها الأذية، ومكنتش مدلل، وابتديت حياتي من وأنا صغير بدلع في الناس وبغني للناس، الحمد لله ربنا مديني كل حاجة". جدير بالذكر أن آخر أعمال جورج وسوف، هي أغنية "ياه على الزمن" التي طرحها عبر قناته الرسمية بموقع الفيديوهات "يوتيوب". الأغنية تم تصويرها بطريقة الفيديو كليب في لبنان تحت قيادة المخرج فادي حداد، من كلمات أحمد المالكي، ألحان مصطفى شكري، توزيع أحمد أمين، وهندسة صوتية هاني محروس.