حلت الفنانة حنان مطاوع ضيفة على برنامج "صاحبة السعادة" الذي تقدمة الإعلامية والفنانة الكبيرة إسعاد يونس، على قناة DMC.   و فاجأت الإعلامية اسعاد يونس ضيفتها حنان مطاوع، وقالت لها: "بصى يا حنان أنا حاسه من كتر موهبتك الكبيرة بالتَقزُم قدامك، إنتي ما عندكيش فكرة أنا بقدر الممثل أما يكون موهوب أد إيه، وإنتي موهوبة جدا، وأنا بقدرك جدا".   كما استرجعت الفنانة حنان مطاوع ذكريات بدايتها في التمثيل، ومشاركتها في مسلسل "حديث الصباح والمساء"، قائلة أثناء استضافتها ببرنامج "صاحبة السعادة": "المخرج محسن زايد كان عايز وجوه جديدة كتير، ولما شافني في الأفلام القصيرة اللى بدأت أعملها بعد ما روحت ورشة تمثيل قال البنت دي وشها مصري أوي وها تنفع في دور (مطرية).   حنان مطاوع: والدتي كانت تشجعني على استحياء    وتابعت حنان مطاوع بخصوص رد فعلها والدتها آنذاك خاصة أن والدها كان توفى: "كانت تشجعني على استحياء، في تلك الفترة، إلى أن أصبحت بعدها تشجعني بقوة وأبرز مشجعة ليا، وكانت طول الوقت باين عليها إنها عايزة تحقق حلمها فيا".   حنان مطاوع: جلال الشرقاوي قال ليه البنت دي بتاعة فن   وبخصوص الأيام الأخيرة في حياة والدها الفنان الراحل الكبير كرم مطاوع قالت: "أثناء زيارة المخرج جلال الشرقاوي له وهو على سرير المرض، قال ليه البنت دي بتاعة فن، شيلوها من تجارة إنجليش ودخلوها معهد الفنون المسرحية". حنان مطاوع: كنت بتكسف أخد من والدتي فلوس   كما كشفت الفنانة حنان مطاوع عن أسباب عملها أثناء دراستها الجامعية فى وظيفة الترجمة كمرشدة سياحية، وقالت: "كنت بتكسف آخد من ماما مصروف، رغم اننا ما كناش محتاجين، فبالتالى حبيت أساعد ماما، رغم إنها مش محتاجة مني ده، لكن كنت بتكسف أقولها هاتي فلوس، وبالتالى حبيت خلال فترة الدراسة أترجم بالقطعة، وبقيت مترجمة، وباخد فلوس في المقابل".