علقت الفنانة وفاء سالم على صورتها المتداولة، عبر مواقع التواصل الإجتماعي قبل خضوعها لعمليات التجميل. ونشرت وفاء صورًا لها قبل وبعد التجميل، عبر حسابها الشخصي بموقع “فيسبوك”، وعلقت قائلة: “على فكرة الصورة اللي فوق واضح الفوتوشوب التكبير في السن لأن الصورة اللي تحت كانت قبل العملية بكام يوم في فرح العالم الأثري الدكتور علي أبو دشيش”. وقالت وفاء خلال مداخلة هاتفية مع الإعلامي عمرو أديب في برنامجه “الحكاية”: “أنا على مدار كذا سنة تعرضت لحقن وخيوط عند دكاترة كبيرة مشاهير، وكنت كل مرة أروح لدكتور على أساس يصلحلي غلط اللي قبله”. وأضافت: “كل مرة كنت بتفرج على النتيجة، ألاقي تشوهات في وشي، والناس كانت بتتكسف تقولي، حتى كان أدائي مضايقني جدا، إزاي كمملثة وأنا في تشوهات في وشي، لغاية إني وصلت لمرحلة، إني مش هروح لأي دكتور، لإني كل ما أروح لدكتور يقولي احنا مش هنقدر نعمل أي حاجة”. وتابعت: “أنا دلوقتي بوري وشي لحضرتك من غير أي فلاتر ومن غير أي ميك أب، المناطق اللي في وشي أغلب الأساتذة قالولي مش هنقدر نتدخل لإنها مناطق أعصاب. لحد ما ربنا كرمني وقابلت دكتور س.غ، أنا ما كنتش فاهمة لما قابلته قالي احنا محتاجين نعمل إشاعة للمنطقة دي”. وأكملت: “الدكتور عمل العملية وصورها لي فيديو، لقى إن الصديد واصل للشبكية وللمخ، الحمد لله ربنا أنقذني، أنقذ حياتي، بعيدا عن إني همثل أو مش همثل، الحمد لله إنه أنا تجاوزت دا”. وأردفت: “الصديد اللي حصلي كان من الحقن، وكان في خيوط جوا وشي، أنا تعرضت لطول الوقت لشكل من أشكال الابتزاز، وكان نفسي إن دا ما يحصلش”. واستطردت: “أنا رجعت بنسبة كبيرة جدا لشكلي، رجعلي وفاء، أنا عايزة وفاء اللي الجمهور حبها”. المصدر: المصري اليوم. شاهد أيضا بعد تعرضها لخطأ طبي شوه وجهها.. شاهد بطلة النمر الأسود تظهر بعد التعافي في إطلالة عشرينية بطلة النمر الأسود تظهر بعد التعافي من جراحة تجميل فاشلة مزمز