نشرت الفنانة إيمي سمير غانم صورة لها برفقة شقيقتها دنيا صممها لها أحد الفانز الخاص بها عبر حسابها الشخصي على موقع" إنستجرام ".     أحدث ظهور   وظهرت دنيا سمير غانم برفقة إيمي سمير غانم واضعة يدها على كتف إيمي موجهه إيمي الشكر إلي الفانز.   تصريحات حسن الرداد عن زوجته    حل مساء أمس الفنان "حسن الرداد" ضيفًا في برنامج "صاحبة السعادة" التي تقدمه "إسعاد يونس" عبر "قناة DMC"   وخلال الحلقة حكى الرداد موقفًا كوميديًا من زوجته ايمي سمير غانم عندما قالت له: "انا بقيت بحبك زي الكلاب".   وكشف الرداد، تفاصيل الموقف قائلًا: "أنا طول عمرى ما بحبش الحيوان اللى حركته سريعة، وتاريخي مع القطط والكلاب زي الزفت، يعني كنت أنزل أجيب حاجة من الشارع ألاقى كلاب بتجري ورايا، فطلعت بخاف من الكلاب وبعتبره عدو للإنسان، أما القطط أبقى في مكان ألاقى قطة ترعبنى فجأة، وأروح أي مكان ألاقى القطة تسيب الناس وتقعد جنبى".   وأضاف: "ولكن لما اتجوزت إيمي شفت الكلاب قد إيه بيعتبرها اللى بيربيها واحد من عياله، زي ما شفت إيمي عاملة مع الكلاب والقطط، وبتأكلهم طول الوقت، وبعدها في مرة إيمي قالت لى وإحنا قاعدين عارف يا حسن أنا بقيت بحبك قد الكلاب، فقلت لها ده مدح ولا ذم، قالتلى مدح طبعًا، ده أنا كنت بقول لبابا كده إن هو والكلاب أكتر حاجة بحبها في حياتى".   وكشف حسن الرداد خلال الحلقة عن عدم توقعه لمفاجأة إيمي سمير غانم له في العرض الخاص لفيلمه الجديد "تحت تهديد السلاح".   حيث تحدث قائلًا: "إيمي مش بتحب الزحمة خصوصًا يوم الافتتاح، وكانت مفاجأة حلوة ومختلفة عن شخصيتها".   وتابع كاشفًا عن تصرف إيمي بعد ذلك: "دخلنا القاعة وقالت للناس عايزة كل واحدة تعمل زيي، وتطب على جوزها في إطار إنها بتدعمه، وأنا قلت إنها عملت كبسة في شكل دعم للفيلم، وهزرنا مع الناس".   ويعرض لحسن الرداد حاليا فيلم "تحت تهديد السلاح"، من تأليف أيمن بهجت قمر، إخراج محمد عبد الرحمن حماقي، بطولة حسن الرداد، مي عمر، شيرين رضا، بيومي فؤاد، عمرو عبد الجليل وعباس أبو الحسن.