في مشهد حقيقي وليس تمثيليا، كشف الممثل أحمد زاهر، عن موته وعودته للحياة من جديد خلال فترة مرضه الصعبة، عندما كان يعاني من مرض في الغدة الدرقية. وقال في تصريحات تلفزيونية: «أول مرة في حياتي اتكلم على النقطة دي.. خلال فترة مرضي حصل لي موقف إني موت ورجعت ثاني للحياة، وده بشكل حقيقي». وأضاف الممثل المصري: «الموضوع مؤلم شوية، وكان أصحابي معي وهم الفنان أحمد صفوت والفنان كمال عطية في البيت في الوقت ده، وأنا كنت في عز المرض، وقاعدين بنتكلم عادي جدا، وفجأة حسيت نفسي كأني بسقط في بير وبنزل وأنا قاعد ومحستش بأي حاجة، وانفصلت عن الواقع وكل اللي شوفته حاجات سوداء». وتابع: «فجأة كنت مش موجود في الواقع، ولما فقت لقيت كمال وأحمد صفوت منهارين من البكاء بشكل هستيري وخلاص أنا مت، ووجهي لقيته متغير وأحمر جدا جدا من كتر ما ضربوني في محاولات إني أفوق»، وختم: «ربنا أعطاني فرصة ثانية للحياة عشان أصلح أخطائي، وأولها كانت القرب منه ولحد الآن».