خرجت الفنانة ياسمين غيث، حفيدة الفنان الراحل عبد الله غيث منذ قليل، من غرفة العمليات وذلك بعد نجاح العملية الجراحية التي خضعت لها أمس لإزالة الورم.   وكشف الحساب الرسمي لياسمين غيث حفيدة الفنان عبدالله غيث عن نجاح الجراحة التي خضعت لها أمس لإزالة الورم، وبقائها داخل العناية المركزة حتى تمام الشفاء، وذلك عبر صفحتها الشخصية موقع التواصل الإجتماعي "فيس بوك".   منشور ياسمين غيث   وكتبت ياسمين غيث عبر صفحتها الشخصية، قائلة: "ياسمين خلصت العملية الحمد لله بنجاح، برجاء الدعاء بتمام الشفاء والتعافي والخروج من العنايه المركزه والمستشفى على خير يا رب انشاء الله، شكرا لكل من دعالها".     ياسمين غيث: مش عارفة هعرف أرد عليكم وأرجع لكم تاني إمتي   وكانت الفنانة ياسمين غيث أعلنت أمس، عن اجرائها عملية جراحية عبر صفحتها بموقع «فيسبوك» وكتبت:«أنا داخلة أعمل عملية كبيرة ودقيقة، ٨ الصبح بإذن الله العملية...بايته في المستشفي من النهاردة...مش عارفة هعرف أرد عليكم وأرجع لكم تاني إمتي...عارفة إنكم في ضهري من غير ماطلب، بس لو في يوم كنت مصدر أمل أو أي نوع من أنواع السعادة ليكم...محتجاكم النهاردة قوي تكونوا كدة ليا".   وتابعت: "سامحوني لو زعلت أي حد فيكم في يوم من الأيام، عمري ما كنت أقصد أزعل حد، وأنا مسامحة أي حد زعلني أو أذاني بقصد أو بغير قصد، بحبكم قوي وبتمنالكم زي ما بتتمنولي،.إستودعت نفسي وإبني وجوزي وأخويا وأمي وأبويا وأهلي كلهم وأصحابي الله الذي لا تضيع عنده الودائع".   ياسمين غيث: إستودعتكم الله الذي لاتضيع عنده الودائع   وأختتمت حديثها قائلة: "إستودعتكم كلكم الله يا ضهري وسندي وعيلتي الكبيرة قوي التانية الذي لا تضيع عنده الودائع، إستودعت الله بيتي وكل حاجة في حياتي الذي لا تضيع عنده الودائع، إستودعتكم الله الذي لاتضيع عنده الودائع، لا إلاه إلا الله..محمد رسول الله".   ومن ناحية أخري، أعلنت الفنانة ياسمين غيث، منذ سنوات، انتصارها على مرض السرطان، بعد مرور 5 سنوات على إصابتها به، موضحة أنها عاشت تجربة صعبة، مشيرة إلى أنه تبقى عامين وتتخلص من العلاج نهائيا".   منشور ياسمين غيث   وقالت "غيث" في منشور عبر حسابها الرسمي بموقع الصور والفيديو «إنستجرام»، الخميس، إن «أصعب 5 سنوات مرت، ويبقى عامان من العلاج»، حيث حدد لها الطبيب المعالج 7 سنوات للتعافي تمامًا.   ياسمين غيث: 5 سنين سرطان.. حياة على كف عفريت   وروت غيث رحلتها مع مرض السرطان منذ أن اصيبت به عام 2016، قائلة:«الحمدلله، 5 سنين سرطان، حياة على كف عفريت زي ما بيقولو لمدة 5 سنين...اللي اتقال لي إن أول 5 سنين همه أكتر 5 سنين critical ولازم نتابع علشان الـ cancer ما يرجعش، لسه مش مصدقة، مش عارفة حصل إزاي...صعب وعدوا بصعوبة...قوي...ولسه لغاية دلوقتي بفتكر، بنهار، بحلم بكوابيس إنه رجع تاني وبصحي أصرخ وأعيط وأقول مش عايزه يحصل لي كدة تاني والنبي يا رب».   وأستكملت حديثها قائلة: "بخاف، بعمل check up كل 6 شهور، and it never gets easier...كل مرة نفس الإحساس ونفس الخوف، عدم إحساس بالأمان اللي كنت حاسة بيه زمان وواخداه for granted، كل مرة الدكتور بتاعي يقول لي ماتخافيش، لو عدا أول خمس سنين من غير ما ييجي تاني يبقي بإذن الله مش هييجي تاني، وجه اليوم ده، بعد خمس سنين، من يوم 6/9/2016...اليوم اللي عرفت فيه إني عندي سرطان واليوم اللي عملت فيه العملية".   ياسمين غيث: عديت بحزن وألم صعب   وتابعت:"عديت بحزن، ألم، وقت صعب، جنان وتشتت، عدم سيطرة على مشاعري وتصرفاتي، فقدان أمل، كره، حب، فرحة، تغيير، خناق، زعل، ناس بعدت...قوي، وناس تانية قربت، وناس قربت وبعدين بعدوا، عصبية، غضب، عدم تقبل لنفسي، أرق وعدم راحة، إحساس إني حد ماعرفوش إتغيرت، بقيت أوجع وعندي قلم أكتر بس أقوى وواثقة من نفسي أكتر، بقيت بساعد غيري وبدي اللي نحوا أمل". غيث: حبيت كل حاجة أكتر ومسكت في الحياة أكتر   وأضافت: "حبيت كل حاجة أكتر من الأول ومسكت في الحياة أكتر وابني روح قلبي كان أملي إني أكمل وأعيش علشان مكنتش قادرة أقبل فكرة إني ماشوفوش بيكبر، ألف حمد وشكر ليك يا رب عدد كل حاجة خلقتها، مهما شكرتك وحمدتك وعملتلك، عمره ما هيبقى كفاية! شكرًا إني لسه عايشة وبعافر...شكرًا على أكبر نعمة في حياتنا، اللهم ديم علينا جميعا يا رب نعمة الصحة".   ياسمين غيث: علاجي لمدة7 سنين   وأختتمت حديثها قائلة: "أصعب 5 سنين عدوا، فاضل 2 علشان أخلص بقيت علاجي....أيوة علاجي لمدة7 سنين".