وقال وليد سليمان، خلال حواره مع إسعاد يونس فى برنامج "صاحبة السعادة" على قناة "dmc": "فى الأول والآخر احنا لاعبين كرة قدم، موقف عدى وخلاص واحنا معرضين لهذه المواقف، وإمام عاشور تحدث مع لاعبى الأهلى الدوليين وطلب منهم أن يقابلنى لكى يعتذر لى".   وتابع الحاوى: "فى أول مباراة قمة بين الأهلى والزمالك جالى إمام عاشور واعتذر لى، وأنا معنديش مشكلة واحنا علاقتنا كويس ولا يوجد أى شىء". وأضاف وليد سليمان: "إلغائى فرحى من أجل شهداء نادى الزمالك دى أقل حاجة ممكن أعملها، وكمان احنا كنا مرينا بهذا الموقف وخسرنا بعض من جماهيرنا العظيمة".   وأوضح الحاوى: "الجمهور هو الوحيد الذى لا يستفيد حاجة خالص وبيروح ورا الفريق فى كل مكان سواء جمهور الأهلى أو الزمالك، وبشكر أهل زوجتى على الموافقة على إلغاء الزفاف".   وتابع: "المقارنة بين الجيل الذهبى والحالى ظالمة، لأن الجيل الذهبى كان فروق كتير جدا لهم، واتعلمت منهم الكثير والجيل الذهبى محظوظ لعدم وجود السوشيال ميديا بالشكل الحالى، لأن الجيل الحالى دائما بيتم تقييمه دائما على السوشيال وبيعمل ضغط كبير على اللاعبين وبيأثر عليهم سواء مدح أو ذم".   واضاف الحاوى: "الجيل الحالى اتظلم أيضا بدأ بدون حضور جماهيرى وملعبوش تحت جماهير كبيرة، ولما بيلعموا فى وجود جماهير كثيرة بيكونوا تحت الضغط ومش بيقدروا يطلعوا كل اللى عندهم لانهم لم يتعودوا على ذلك".