مازح الهضبة عمرو دياب الإعلامي عمرو أديب، الذي كشف خلال لقائه معه عن إعجابه بأغنية “سينجل”   عمرو دياب يمازح عمرو أديب: ملكش دعوة بأغنية "سينجل" وقال عمرو أديب: "أنا عجبتني أغنية السناجل، كأغنية مش كأي حاجة تانية"، ليرد عليه الهضبة قائلا: "هي أغنية ظريفة ملكش أنت دعوة بيها".   وأكد النجم الكبير عمرو دياب اعتزازه بخطواته الأولى في عالم الغناء، والأستوديو الذي سجل فيه لأول مرة. وأكد: "هاني شنودة دخلني الأستوديو أول مرة، وعلمني إزاي أقف قدام ميكروفون وأغني، وده درس لنا كلنا، إننا إذا لقينا حاجة كويسة ندعمها" وأضاف: "كان أستوديو محمد نوح، ودلوقتي اسمه "إم تو"، وبسجل فيه لوقتنا هذا، ولحد دلوقتي بشم نفس الرائحة وده شيء لا أنساه، مع إني سجلت في أستوديوهات كتير في العالم".   عمرو دياب يوجه الشكر لهؤلاء الأشخاص   وفي سياق منفصل، وجه عمرو دياب الشكر بمبادرة هيئة الترفيه السعودية لتكريم هاني شنودة قائلا: "أشكر معالي المستشار تركي آل شيخ لإن المبادرة جاءت منه، وكلنا جينا وشاركنا، وأنا كموسيقي أحترم أي حد يفكر يحترم مهنتي".   وواصل: "لما تشوف هاني شنودة تعرف أد إيه إحنا بلد عظيمة فيها تاريخ موسيقي كبير، وأي حاجة لها علاقة بمهنتي أنا وراها قلبا وقالبا".   الهضبة:أنا عايز أشتغل علطول وأنتج وأنزل أغاني   واستكمل: "أنا عايز أشتغل علطول وأنتج وأنزل أغاني، ده مش مرتبط بألبومات، بحاول أصحى كل يوم أشتغل، ولو طلع منتج حلو أقدمه للناس".   واختتم: “أشكر جمهوري لإنهم واقفين معايا كل الوقت ده، ويا رب أكون عند حسن ظنهم، وهفضل طول الوقت أشتغل عشانهم”.   أغنية "ما تيجي نفك"   يذكر أن عمرو دياب طرح أغنية "ما تيجي نفك" قبل نهاية عام 2022 وهي من كلمات وألحان محمد يحيى، وتوزيع وسام عبد المنعم وميكساج وماستر أمير محروس، وتسجيل أندرو داود وشيري شكري.