كشفت الفنانة عنبر عن رأيها في الأعمال الفنية هذا العام مشيرة إلي أنها تعتبر ياسر جلال صديق جميل وأخ،  وله أعماله وعملت معه من قبل في مسلسل بعنوان " ابن موت" مع المخرج سمير سيف وكانت تتمنى المشاركه في مسلسل" علاقة مشروعة".   أضافت عنبر خلال تصريحات تليفزيونية لبرنامج المنسي عبر قناة هي:  كنت أتمنى اشتغل في علاقة مشروعة وخالد النبوي نجم كبير وبيرجعنا للأعمال الدينية، بقالنا كتير مشوفناش مسلسل ديني زي ما كان بيحصل كل سنه، وسوق الكانتو كمان أمير صديقي وعاجبني ديكوره. عنبر تعلق على الإنتقادات  كما علقت على الإنتقادات التي طالت منى زكي: عيب أو ي اللي بيحصل انتو متفرجتوش وبتهاجموا عيب أننا ندخل ده في ده، مني زكي فنانة مليانة احساس عيب تتنمروا.   تابعت: جالي حد قالي إني اترشحت في مسلسل "تحت الوصاية "وقالي هيكلموكي وبعدين محدش اتكلم، بس كنت أحب اشتغل فيه منى إنسانة محترمة وخلوقة وبنت ناس وكلها احساس. حلت الفنانة عنبر ضيفة على برنامج “المنسي”، وذلك على قناة “هي” وتقدمه الإعلامية إنجي هشام، وتحدثت عنبر عن حزنها الشديد لعدم الاستعانة بها في الأعمال الفنية، وظهور مكاتب الكاستيج التي سببت لها مشاكل كثيرة.   وقالت عنبر، خلال لقائها مع الإعلامية انجي هشام في برنامج “المنسي”:  "نفسي ارجع اشتغل من تاني ولكن دلوقت المخرج اللي عنده ٢٧ سنة أو ٢٦ سنة ميعرفنيش وبعدين مكاتب الكاستيج بقت مشكلة كبيرة وإنه يطلب منك تدخلي ورشة في مكاتب الكاستيج أنا بعد العمر ده كله اروح أخد ورشة في مكتب،انا عملت ده مرة واحده في عمل بس ده علشان كانوا معمول لفريق العمل ككل. وأضافت: “أنا عمري ما هعمل اوديشن ولو دي الشغلانة، هقعد في بيتي واحترم نفسي، عيب كل اللي الواحد عمله في حياته يحصل فيه كده، أنا اشتغلت مع نجوم كبار منهم أحمد مظهر وكنت طالعة بنته، اشتغلت مع محمد صبحي هي دي النجوم”. كشفت الفنانة عنبر في تصريحات سابقة على قناة الحدث اليوم، عن طقوسها خلال شهر رمضان الكريم، لافتة إلى أنها تحب روح العبادة والالتزام وختام القرآن الكريم والصلاة، بالإضافة إلى إقامة العزومات بداية من الأسبوع الثاني، وأتابع مسلسلات وزملائي، فضلا عن مصالحة المتخاصمين وزيارة الأصدقاء والأهل.