بعد أداء مميز في الأعمال الرمضانية التي شارك بها خلال هذا السباق الرمضاني، والتي كان منها ما عرض خلال النص الأول من شهر رمضان والآخر يعرض حاليًا، أنه الفنان محمد رضوان الذي استطاع أن يؤثر في العمل ببصمته وروعة أدائه، فقد تميز هذا الموسم الرمضاني بإبداع تجسيده للشخصيات بطريقة بسيطة تمكنت من أسر قلوب المشاهدين.    وحاور "الفجر الفني" الفنان محمد رضوان حرصا منًا على معرفة رأيه في الكوميديا وفكرة عمل أجزاء أخرى من مسلسل "الصفارة"، وفي السطور التالية نرصد لكم تلك التفاصيل.   محمد رضوان ورأيه في تعطش الجمهور للكوميديا أجاب الفنان محمد رضوان على سؤال "الفجر الفني" عن تعطش الجمهور للكوميديا فقال: "الكوميديا بتبقى وجبة مهمة للجمهور وخاصةً السنين اللي فاتت كانت الكوميديا بعافية شوية، لحد ما ظهر الكبير أوي والصفارة السنادي". الفنان محمد رضوان بدور الشيخ لبلوب في مسلسل الصفارة  محمد رضوان ومطالبة الجمهور بجزء آخر من مسلسل الصفارة   أردف الفنان محمد رضوان في حديثه عن مسلسل "الصفارة" ورد فعل الجمهور بمطالبة جزء جديد، ورأيه في استحقاق الفكرة لهذا الطلب أم لا، فقال: "هيتعمل منه أجزاء تانية مش جزء تاني بس، والفكرة تستحق والموضوع كان بسيط ويبقى في نفس التنوعات اللي كانت فيه بنفس القدر في الكوميديا". محمد رضوان وتوقعاته عن نجاح مسلسلات رمضان الحالي   أجاب رضوان على سؤال "الفجر الفني" بشأن توقعاته عن نجاح بعض المسلسلات قائلًا: “كل اللي بيقدموا مسلسلات، المسلسلات ده متعوب فيها جدًا والناس بذلت فيها مجهود ضخم، وأنا أتمنى النجاح للكل على حسب المشاهد راح اتفرج على إيه، والمتابعة ده بتبقى أذواق، كل واحد بيتابع مسلسل بيبقى شايف أنه أحلى مسلسل بيتفرج عليه، والحكم دايما المشاهدة، الناس تتفرج وبعد كده تقول رأيها، وكل الحاجات ده سهل متابعتها بعد رمضان، وده لأن وقت رمضان ضيق، وفي ناس مبتتفرجش على التليفزيون خالص في رمضان عشان العبادة، وممكن التليفزيون ده يتقفل ميتفتحش خالص، ويقولوا بعد رمضان هنتفرج، رمضان شهر مينفعش نضيعه في إن أنا أجري ورا المسلسلات يعني صعب أسيب مثلا التراويح عشان اتفرج على مسلسل". الفنان محمد رضوان  وأشار إلى أهمية العبادة في رمضان على غرار الحديث عنها مع المسلسلات التي تعرض فقال: "كل واحد على حسب ذوقه وظروفه، بس هو رمضان شهر عبادة احنا بنتفرج على المسلسلات إن بيتوين، انما أنا مش هسيب العبادات واقعد اتفرج أو اتابع مسلسل، المسلسل ممكن اجيبه بعد كده، وفي أوقات إعادة كتير لكل مسلسل، المسلسل بيتذاع على مستوى متكرر، متلحقش قبل المغرب يبقى بعد التراويح يبقى بعد الفجر، لازم كل واحد يدي كل حاجة حقها".