أكد السيناريست تامر حبيب، أن أزمة الفنانة منة شلبي الأخيرة كانت من أسود أيام حياته، وذلك خلال استضافته في برنامج "حبر سري" الذي تقدمه الإعلامية أسماء إبراهيم، عبر شاشة القاهرة والناس.   تامر حبيب عن أزمة مني شلبي: اليوم ده كان من أسود أيام حياتي    وقال تامر حبيب: "اليوم ده كان من أسود الأيام اللي مرت عليا في حياتي وكنت هموت مش عارف أوصل لها لحد ما عرفت أنها في طريقها للبيت.       وتابع: "عرفت قد ايه أنا بحبها وأخذتها في حضني وكان كل همي تضحك وتتبسط عشان تنسى الأزمة الكبيرة دي وربنا ما يحكم على حد ونفسيتها حاليا أفضل ونزلت اشتغلت".   وأوضح السيناريست تامر حبيب، أن الضغط مش من الموقف ولكن من القسوة الشديدة من البشر، متابعا: "كأن الناس كانت نازلة معاها من الطيارة، وفي ناس مهمتها تهاجم ويمكن كانوا موجودين ومش عارفين بسبب السوشيال ميديا وفي عزاء امي اتهاجمت".   تامر حبيب يرد على تصريحات إيناس الدغيدي    ومن ناحية أخري، رد السيناريست تامر حبيب، على تصريحات المخرجة إيناس الدغيدي التي أثارت الجدل منذ أشهر حول ميوله الجنسية واتهامه بالمثلية الجنسية.   وقال تامر حبيب: "إيناس الدغيدي، أحبها جدا على المستوى الفني والشخصي، هي صديقتي، والتصريحات التي قالتها تم تغييرها في المونتاج   تامر حبيب علي تصريحات إيناس الدغيدي: معنديش حاجة اتكسف منها     وتابع: أنا معنديش حاجة اتكسف منها، أنا متأكد أن تصريحاتها كانت ردا على كلام قيل خلال الندوة، لكن ده مش رأيها الشخصي، طلع كلام إني خدت موقف عدائي من إيناس بعد التصريحات دي، لكن بالعكس اتقابلنا بعدها، واتكلمنا وشرحت لي هي قالت كده ليه، بعد الموضوع ده قابلت ناس وقفوا بجانبي، وشكرا إن الموقف ده حصل علشان يظهر كم الحب ده لي