عمان - ينحدر التاجر الأردني عبدالله سكجها من عائلة متخصصة في صياغة وتجارة المجوهرات. فعلى مدى أجيال كانت عائلة سكجها تتاجر وتصمم المجوهرات في متاجرها المتعددة بأنحاء المملكة الأردنية الصغيرة. لكن عبدالله سكجها يقول إنه عمل بكل ما في وسعه لتحديث نشاط العائلة ونقلها من المستوى المحلي إلى المستوى العالمي. وتحت إشرافه، تمكن الفريق من تسجيل براءات اختراع تصميماته في الولايات المتحدة، وبيعها في دول مختلفة بجميع أنحاء العالم بما في ذلك قطر والكويت والولايات المتحدة. وعن تاريخ عائلته في عالم المجوهرات قال عبدالله سكجها "احنا بلشنا من أربع أجيال طبعا، الجد الكبير كان مبلش بفلسطين، بيافا، وطبعا لما أجينا هون برضه على طول بلش الجيل هوه الكبير واللي وراه بالمهنة هون في الأردن، والحمد لله احنا أكبر عائلة بالمجوهرات بالوطن العربي، بالعالم، ما فيه عدد محلات باسم عائلة واحدة أكتر من عائلة سكجها يعني". وفيما يتعلق بتصميم قطعة مجوهرات على شكل ثعلب والذي تنفرد به مجوهرات سكجها أضاف "فكرة الفوكس (الثعلب) إجتنا، يعني هو اشي ما حدا عمله قبل هيك، يعني فيه شركات كبيرة مجوهرات عملوا شكل الحية، شكل التمساح، شكل الأسد، شكل النمر، هدول معمولين. هلا شكل الفوكس ما عمره انعمل ولا على نوع سيارة ولا على تيشيرت ولا على أي اشي، احنا جبنا اشي مش معمول أبدا ولا بأي نطاق اللي هو حيوان الفوكس وبتعرفوا الناس بتخاف شوي من الفوكس بيقولك الثعلب مكار وكذا، فكانت الفكرة انه نجيب شي الناس ما بتحبه وتحاول تخلي الناس تحبه". وأردف "الفوكس طبعا هو أهم موديل في كل العالم، هدا أكتر موديل انباع وكان ترند في المجوهرات بين كل الشركات العالمية طبعا". وأوضح عبدالله سكجها أن شركة عائلته تعمل دائما على طرح تصميم جديد كل شهر تقريبا للحفاظ على زبائنها وجذب زبائن جدد قدر الإمكان. وقال "احنا دايما كل سنة لازم ينزل عندنا أقل اشي عشر موديلات، يعني كل شهر موديلات، تقريبا بنقسمها ينزل موديل جديد فبنظلنا مستمرين دايما في تطور، فيه أشياء جديدة للزبائن حتى يظل الزبون بيحب التطور، بيحب الأشياء الجديدة، بيحب إنه يشوف الجديد اشي غريب مش معمول قبل هيك". وأشار عبدالله سكجها إلى أن تصميم الثعلب يتم تقليده كثيرا في العالم رغم أنه مسجل باسم شركته، وقال "هلأ التقليد بعمل مشكلة كبيرة لأنه أنت بتتعب على الديزاين، بتقعد سنة تشتغل عليه وترسم فيه وتعدل فيه عبال ما يطلع زي ما بدك وللأسف بكل بساطة بيجي مصنع معين أو مصانع أو عدة محلات بتقلدلك هاد الموديل ببساطة مع إنه بكون عليه حقوق ملكية وكذا". وبينما تجرب قطعة مجوهرات على شكل ثعلب في أحد محلات سكجها بعمان قالت الزبونة الأردنية أحلام الجندي لتلفزيون رويترز "بصراحة شفتها على أكتر من حدا، شفتها على المشاهير، شفتهم لابسين من هاي القطعة أُغرمت فيها وحبيت أجي أشوفها وعلى الواقع بصراحة كتير حلوة القطعة".