كشفت الفنانة فريدة سيف النصر خلال حلولها ضيفة على برنامج "مساء DMC"، الذي تقدمه المذيعة إيمان الحصري على قناة dmc، عن سعادتها الشديدة لنجاح دورها في مسلسلي "جعفر العمدة"، و"عملة نادرة"، اللذين تم عرضهما في الموسم الرمضاني 2023. وتحدثت فريدة عن تعاونها مع المخرج محمد سامي في مسلسل "جعفر العمدة"، قائلة: "محمد سامي معرفهوش وأول مرة أشتغل معاه، وقولتله انت الكاتب وجايبني ليه ضيفة شرف وليه مُصرّ عليَّ، قالي كنت عايز حد محترم ميهزقش نفسه وتقيل، قولتله جايبني تهزقني، وضحك، والجمل اللي في المسلسل من غير قصد، ورجلي كانت وجعاني ومش قادرة أنزل السلم في المسلسل". وتابعت: "أولًا أنا بشكر شركتنا المتحدة، مش نفاق، معروف عني إني قطر، لكن هما ألقوا الضوء على شغلنا، وناس بتدينا حقنا، بالنسبة لعملين محمد العدل بوجهله الشكر". وأردفت: "ماندو العدل أصر عليَّ للمشاركة في مسلسل عملة نادرة، عمري ما قولت لحد عندك شغل إيه". وقالت سيف النصر: "إخواتي عينهم زايغة، ومقدرش أقول لماما لأ، وكانوا بيتجوزوا وأنا بربى العيال، وأنا بحب العيال، أنا بيبي سيتر كنت في المسرح بالإسكندرية، وأنا الوحيدة اللي بخلص المسرح وبروح على الفندق، والفنانين كانوا عايزين يخرجوا، ولاد محمود عبد العزيز، وولاد الفيشاوي، مي وسارة ولاد نور الشريف، دنيا سمير غانم، والمطربة شذى، وأنا كنت أقعد بكل دول".