تصدر الأيام القليلة الماضية اسم الإعلامي شريف عامر، عبر مواقع التواصل الإجتماعي وذلك بعد المداخلة المفاجئة التي أجراها الزعيم عادل إمام معه عبر برنامجه "يحدث في مصر" الذي يقدمه عبر قناة MBC مصر.   مداخلة عادل إمام مع شريف عامر    وتفاجأ شريف عامر على الهواء مباشرة بمكالمة الفنانة يسرا والفنانة لبلبة له وقالوا له أن الزعيم معهم ويريد أن يتحدث معه، وبدأ الزعيم يمازح الإعلامي شريف عامر فبعد تلك المكالمة انهالت التعليقات عليه أنه لم يستغل هذه المكالمة بشكل صحيح وأنه لم يسأل الزعيم عن حالته الصحية والشائعات التي لحقته في وقتٍ سابق.   رأي عمرو أديب في تصرف شريف عامر    تحدث الإعلامي عمرو أديب على تلك المداخلة مساء أمس في برنامجه "الحكاية" المُذاع عبر قناة MBC مصر حيث تحدث عمرو أديب قائلًا: "موضوع زميلنا شريف عامر والزعيم عادل إمام، ناس كثيرة تحدثت عن تقييمهم للأداء الإعلامي عامل إزاي وشريف عامل إزاي وشريف كلم الزعيم ازاي. أنا بقى بتكلم وبوضحلك أيه الصح وأيه الغلط.. وهقولكم على سر الشغلانة".   وتابع: "المذيعين نوعين، هناك نوع يحسب الأشياء بشكل دقيق ونوع آخر مبيحسبش حاجة خالص    لا ده صح، ولا ده غلط، بمعنى ايه؟ أنا سألت: "الناس اللي عند عم عادل إمام في البيت بيتكلموا مع شريف في التليفون وقالوا إحنا بنكلم شريف، وقالهم أدوني أكلمه".   فعادل امام دخل على الخط أنا مكلمتش شريف عامر، ولكن أنا عارف شريف بيفكر إزاي فكر أنه مش عايز يضغط على الراجل، وأقولكم جملة محدش عايز يقولها   (( يخليه يقول حاجه مش حلوة ))،  شريف مش أنه مش عايز يسأله، إحنا نعمل لعادل إمام 20 سؤال و100. إنما شريف كان "مقدر ان الراجل داخل معاه يوم عيد ميلاده وأنه مش عايز يضايقه".   وأضاف: "في مذيع تاني معندوش المشكلة دي وميحسبهاش، وفي مذيع ممكن يبقى معاه مصدر عايز يعصره وحد تاني كان سعيد أنه معاه ومش عايز يطول عليه ومش عايز يبقى بايخ.. ده اللي عمله شريف.   أنا قعدت سنين الزعيم عادل إمام يكلمني بالليل في البرنامج مساء الخير يا عمرو أقوله مساء الخير يا زعيم يقولي أنا داخل أنام بقى مع السلامة، وبقى افيه بعد كده".   واختتم حديثه قائلًا: "شريف عامر قرر يكون ظريف ولطيف وإنسان في مكالمته مع الزعيم بس دي كل الحكاية  في حد تاني ولا يفرق معاه ويبقى عايز يعصره شريف معملش كده".