كشف الفنان صبري عبد المنعم، تفاصيل تعرضه لأزمة نصب على يد أحد أصدقائه في الوسط الفني، وخسارته 1.9 مليون جنيه.   تصريحات صبري عبد المنعم  وتابع الفنان صبري عبد المنعم خلال مداخلة هاتفية لبرنامج "ملفات" الذي تقدمه الإعلامية أميرة بدر على شاشة "هي": اللي نصب عليا واحد أعرفه من ١٠ سنين وبنقعد مع بعض، جيت قولتله عايز أبيع الشقة دي تحويشة ٥٠  سنة شغل، وعشان عيالي ياخدوا الفلوس وعملت عملية لمدة شهرين في القلب وكنت تعبان وبيجيلي الزهايمر من حين لآخر.   واستكمل صبري عبد المنعم حديثه: جالي بعدها بأسبوعين وقالي جبتلك مشتري للشقة وادتله عقود الشقة، هو شخص من الوسط بس الكارير بتاعه غير ومش هقدر أكشف شخصيته عشان في تحقيقات.. وانا عمري ما خونت حد ولا عديت فلوس ورا حد.   وأضاف: “ونزلت معاهم البنك وكان الشيك بالدولار وقالولي اسأل بعد ٤٥ يوم، ورحت ولقيت التوكيل بتاع المشتري مكتوب باسم واحدة مش واحد اللي أنا مضيت عليه، ورحت معاهم وأنا في حالة مذرية وتعبان جدا، ومخدتش ولا جنيه”.   برنامج "ملفات" تقدمه الإعلامية أميرة بدر على شاشة "هي" يوميًا من الأحد للأربعاء وتناقش خلاله عددًا من القضايا التي تشغل الرأي العام، بالإضافة إلى استضافة نجوم الفن والرياضة.   كشف الفنان صبري عبد المنعم، خلال تصريحات صحفية عن تفاصيل إصابته بالسرطان.    وأضاف: "أصِبت بالكانسر 5 سنين، ربنا بيفتكرني كل شوية بـ هدايا حلوة، وقتها قلت إني ممثل جاله دور عن الكانسر وأنا اللي هعمله، وكل يوم كان فيه جديد في العلاج.   وتابع: "المرض جالي في أماكن خطيرة مبتجيش لحد، جالي في الرئة اليمين واتشالت، والبلورة وأماكن تانية".    وقال: "لكن قلت زي ما ربنا نجّى سيدنا يونس من بطن الحوت هينجيني من اللي تعرضت له، أنا راضي بكل اللي يجيبه ربنا، وبعتبر مرضي هدية من الله وهبها لي".   وفي سياق منفصل، كشف الفنان صبري عبد المنعم عن تفاصيل تعرضه للنصب.    وأكد:" قلت لصاحبي عايز أسيب الفلوس للعيال دي اللي طلعت بيها من الدنيا، فقالي هشوف لك مشتري وخد مني العقود كلها، وجاب لي عقد إن فيه شركة سعودية اشترت الشقة، وثقت فيه".