وجه الفنان عمر كمال رسالة مؤثرة بعد حفل زفاف شقيقته أمس من خلال حسابه الشخصي على موقع فيسبوك. كتب عمر كمال:أمبارح كان فرح أختى وحبيت أعمله ف السويس وسط أهلى وناسى.. وبصراحة الناس وقفت معايا وكان أحلى يوم ف حياتى.. فا حابب أشكر مدير أمن السويس وكل القيادات الأمنية ف المحافظة.   تابع: حابب أشكر كل أهلى وناسى وصحابى السوايسة اللى نورونى وشوفونى قدام ناسى وضيوفى وشكرا لكل نجوم السويس حبايبى واصحابى والعشرة اللى شرفونى ف الفرح، عاوز أشكر كل أصحابى اللى نورونى ف السويس وجم من مسافات بعيدة عشان يفرحوا معايا.   ختم: طبعا اخواتى الكبار والصغيرين اللى متعود منهم انهم ف ظهرى ومكبرنى قدام ناسى وأهلى نجوم مصر ونجوم الوطن العربى كله اللى شرفونى وفرحونى وفرحوا أختى ومن غيرهم اليوم مكنش هيبقى ليه أو لزمة.. شكرا من قلبى ليكم وربنا يقدرنى وأرد جمايلكم عليا.   دعم الفنان عمر كمال صحفين الفن برسالة من خلال منشور قام به خلال حسابه الشخصي على موقع فيسبوك. كتب عمر كمال:الصحفيين والمراسلين دول بنى أدمين على فكرة وبيحسوا وعندهم شعور   زينا ديه معلومة فايتة فنانين كتير !! يبقى الفنان أو المنتج بتاعته أو مدير أعماله داعى الميديا صحافة وقنوات ومواقع يغطوا الحدث بتاعه سواء فيلم أو أغنية أو أى عمل والناس تيجى تعمل شغلها.. تلاقيهم بيعاملوهم بمنتهى قلة الأدب والذوق شاب / شابة يا عينى تلاقيه جاى موصلات ولا واخد عربية على حسابه ومستنى الأستاذ بالساعات وياريتهم بيجوا ف مواعيدهم لازم التأخير كام ساعة عشان خاطر النجومية تظبط والكاريزما.. ويتنطط عليهم ويحرجهم وكأنهم بيتطفلوا عليه مثلا ما هما جايين عشان يساعدوك ف نجاحك هما مش أعدائك !؟. تابع: اللى يحرجك أحرجه واللى يتنطط عليك سيبه وأمشى أنتوا بترضى على نفسك كده ليه مش فاهم ؟!!!!.   احتفل المطرب الشعبي عمر كمال بعيد ميلاد صديقه الفنان حسن شاكوش، وذلك عبر حسابه الشخصي بموقع تبادل الصور والفيديوهات "إنستجرام". ونشر الفنان عمر كمال صورة عبر حسابه تجمعه بزميله الفنان حسن شاكوش وعلق على هذه الصورة قائلًا: "كل سنة وانت طيب يا حسن عقبال مليون سنه". ويذكر ان آخر أعمال المطرب الشعبي عمر كمال هي أغنية بمناسبة حلول شهر رمضان المبارك 2023، والتي تحمل اسم أهلًا رمضان.