كشفت الفنانة جوري بكر، عن الأسباب التي دفعتها لغلق التعليقات على منشوراتها أمام عدد من متابعيها على حسابها بـ"إنستغرام"، مؤكدة أن هناك أشخاصاً يطلبون المساعدة بطريقة الشحاتة. وكتبت جوري منشورًا على خاصية القصص المصورة الملحقة على حسابها الخاص بـ"إنستغرام"، قالت فيه: "أولًا عشان الأسئلة الكثيرة اللي بتجيلي بخصوص أنا ليه قافلة الكومنتات على عدد معين لأن بجد الموضوع مخيف مش كل الناس اللي حوالينا محترمين". وأضافت: "مش كل الناس نضيفة وتعليقاتهم محترمة في مجموعة كدة حرفيًا من قاع الأرض مريضة وتعليقاتهم أنا مقدرش أستحملها أو أشوفها واحترامًا لمن حولي بجد قفلتها على المقربين مني والناس المحترمة اللي متبعاني". وتابعت جوري: "غير إني برضو بخاف جدًا افتح DM ساعات بيلفت نظري الناس الجميلة المحترمة اللي بتحب تهديني حاجات شغلهم مش تمام". واستكملت: "الشحاتة بقي اللي وصلت على الإنستجرام هل ده بجد اللي عايز مساعدة 3000 جنيه، وهو مصور نفسه ماسك تليفون بـ 25 ألف جنيه أو أكتر، واللي عايزة تجهز نفسها ونفسها في ثلاجة وأنا أصلًا مشتريتهاش بجد إزاي كده إيه كمية الاستفزاز والجرأة اللي عندكم دي انزل وانزلي اشتغلي اتعبوا وانجحوا وساعدوا نفسكم في غيرك نحت في الصخر، عشان يوصل ومحدش ساعدهم ولا ساعدني". واختتمت جوري بكر منشورها: "ياريت متغرموش أهلكم عشان حضرتك تشوري نفسك وأنت تمسك موبايل جديد اتعب واحصدوا تعبكم".