فاجئت الفنانة ميرهان حسين جمهورها قبل أيام بخبر إعتزالها الفن وذلك من خلال صفحتها الرسمية بموقع "إنستجرام" حيث قالت "أجازة مفتوحة من السوشيال ميديا والمكالمات والالتزامات والمجاملات والتواجد من أجل الاخرين مش هكون موجودة ولا عايزة حاجة من حد ولا حد يعوز مني حاجة واللي زمان أنا عيشته لغيري أنا دلوقتي هعيشه لنفسي". واستكملت قائلة "لا عايزة تقدير لا في شغل ولا في حياة ولا صحاب ولا حبايب ولا معارف ولا حاجة تستاهل ولا حد يستاهل اللي بيحبوني شكرًا وكتر خيركم واللي مابيحبونيش شيلوني من حساباتكم لحد ماقدر أواجه الحياة الظالمة دي تاني، تعبت وأشعر بعدم التقدير لشخصي ولموهبتي ولم اعتد البقاء في مكان ومع أشخاص لا تقدرني تعبت لذلك اعتزل". وأنهت حديثها  "بعد ما قدمت العديد من الأدوار التي لا تشبهني ولا تشبه موهبتي ولا تستغل أدواتي كفنانة وممثلة محترفة وحصلت على العديد من ورش التمثيل وأملك القدرة على التقليد بالأداء والصوت والشكل والهيئة والملامح التي أجيد رسمها على وجهي بالمكياج والشعر دون مساعدة من أحد وبنفسي فقط لأعرض عمل مبدع بشهادة الجمهور الذي يقول لي انتي مظلومة احنا نفسنا نشوفك في اعمال اكثر مناسبة لموهبتك الكبيرة وسط مصالح وشللية وموضة ومين متجوز مين ومين مصاحب مين،  مش مين شاطر وموهوب".   بعد إعلان إعتزالها ميرهان حسيت توضح من خلال فيديو "لم أعتزل الفن" إلى أن عادت مرة أخرى بعد اختفائها أكثر من إسبوعين وأوضحت من خلال فيديو نشرته عبر صفحتها الرسمية بموقع "انستجرام" أيضًا ووضحت فيه أنها لم تعتزل الفن نهائيًا. حيث قالت "أولًا وحشتوني جدا وأسفة بجد إني اختفيت عليكوا الفترة دي.. أنا اختفيت عنكم عشان كنت عايزة أرجع أحسن من الأول وكنت محتاجة فترة بس إني أبقى فيها أحسن بجد مش عارفة أشكركوا إزاي على كلامكم واهتمامكم وعلى حبكوا ليا اللي أنا شوفته جدا الفترة دي". وأضافت "شكرا لكل أصحابي وزمايلي وكل اللي قالوا في حقي كلمة حلوة والناس اللي بتحبني اللي أنا فعلا لولاهم مكنتش هعرف أعدي الأيام اللي فاتت دي اللي مكنتش فيها في أحسن حالاتي خالص وبوقفتكوا جنبي ودعمكم ليا رجعت أحسن". كما نفت خبر إعتزالها وأوضحت أنها لم تكن تقصد إعتزال الفن حيث قالت "وبخصوص موضوع اعتزالي أنا مكنتش اقصد إني بعتزل الفن أنا كنت أقصد إني بعتزل السوشيال ميديا عشان أنا كان عندي إحباط وبوقفة الناس اللي بتحبني جنبي هقدر أعدي الوقت الصعب ده فأنا إن شاء الله قادرة أعدي وقادرة أبقى أحسن وبوعدكوا إن شاء الله الفترة الجاية بحاجات حلوة ومريهان اللي بتحبوها بجد شكرا". https://www.instagram.com/reel/CtowaZjufQh/?igshid=MzRlODBiNWFlZA==