عبر الفنان محمود العسيلي خلال لقاءه مع رؤيا مصر عن سعادته الكبيرة بإطلاق أغنية سمع هس لفيلم بيت الروبي مع كريم عبد العزيز وكريم محمود عبد العزيز.   وقال العسيلي خلال اللقاء "أحب أحيي أحمد طارق يحيى وفلبينو على الأغنية والكلام واللحن والتوزيع والتعاون مع كريم عبد العزيز وكريم محمود عبد العزيز حاجة في منتهى اللذاذة واللطافة والسلكان ورغم ان كريم عبد العزيز رقم واحد في مصر لأن أرقامه بتقول كدة في كل فيلم ليه وكل نجوم مصر فوق راسي لكن دي الحقيقة ومع ذلك شخص لطيف جدا وسلس في التعامل وبحييهم وسعيد بالتعاون معاهم". وبسؤاله عن رأيه في رقم واحد في الغناء قال عمرو دياب هو رقم واحد مافيش مقارنة لأن زيه زي أم كلثوم وعبد الحليم حافظ وطبعا منير جامد وكل حاجة لكن عمرو دياب لا يقارن"  وكشف العسيلي خلال اللقاء مع رؤيا مصر عن رأيه في لقب مطرب الإعلانات بعد نجاحه في العديد من الإعلانات قال "انا مش مع الكلام دة مافيش حاجة اسمها مطرب إعلانات دي اغاني بتنجح لإعلان وبتوصل للناس ودي حاجة صعبة ومش أي حد يقدر يعملها".   محمود العسيلي يتحدث عن اتهامه بالغرور  وعن إتهامه الدائم بالغرور قال  أعوذ بالله من الغرور لكن لكل مقام مقال انا بس ضد الحاجة اللي مش في مكانها ومع ذلك دلوقتي حتى لو حاجة مش في مكانها معنديش مشكلة خلاص اتعلمت من أخطائي. محمود العسيلي يتحدث عن نجاح حفلاته في أمريكا  وكشف العسيلي خلال اللقاء عن سعادته بنجاح حفلاته الأخيرة في الولايات المتحدة الأمريكية للجمهور العربي وأنه يستعد للعديد من حفلات خارج مصر وداخلها وخصوصا بالساحل الشمالي  كما كشف العسيلي أيضا عن أغانيه القادمة وقال " صورت أغنيتين في أمريكا واحدة اسمها بايظة والتانية مين كان يصدق وعندي اغنيتين مع تانر حسين وعزيز الشافعي واحدة منهم اسمها اوعى والتانية لسة بنفكر في اسمها وكمان عندي اغنية اسمها خطير مع الموزع رامي سمير وفلبينو" يذكر أن شركة كرافت ميديا طرحت مؤخرا الأغنية الدعائية لفيلم بيت الروبي بعنوان «سمع هس»، غناء محمود العسيلي، وبطلي العمل: كريم عبد العزيز وكريم محمود عبد العزيز، وهي كلمات فليبينو، وتوزيع وألحان أحمد طارق يحيى، وإخراج بيتر ميمي، وإنتاج حمدي بدر كرافت ميديا.