حلت الكاتبة والإعلامية فريدة الشوباشي، في ضيافة برنامج "حبر سري"، مع الاعلامية اسما ابراهيم، على قناة القاهرة والناس.   وتحدثت عن الرئيس عبد الفتاح السيسي وقالت: "السيسي حته مننا.. السيسي هدية ربنا لمصر وحط رأسه على كفه وعدى بنا لبر الأمان وكان فداء مصر والمصريين، وكل تصرف من تصرفاته يوضح مدى مسئوليته".  فريدة الشوباشي تتحدث عن الثورة وتحدثت عن الثورة وقالت: لو مكنش حصلت ثورة كانت هتبقي كابوس وكنا هنبقى حفنه من الترب العفن، انا من الناس إلى قولت أن حكم الاخوان مش هيكمل سنه وكان متسجل مع وزير الاعلام، انا مش هقدر اقول انا شجاعه ومبخافش لا انا بخاف بس بعدين، يعني ممكن اقول الحاجه إلى مقتنعه بيه واما اروح اقول انا خايفه وممكن يجي يمسكوني أو يغتالونيو س عمري ما ارجع في اي حاجه من إلى قولتها".   فريدة الشوباشي تتحدث عن التهديدات التي تلقتها   وصرحت فريدة عن التهديدات للتي تلقتها وقالت: "انا كنت بتهدد بالقتل، في جوابات وفي شخص عمل يافطه كبيره وحط صورتي وقال مطلوب قتلها، المفروض بدل مختلفين نفهم بعض مش نقتل بعض القتل عمره ما كان نتيجه وبرغم كده عمري ما اسافر واسيب مصر انا بتنفس هوا مصر وكل حته فيا منها، يوم ٣٠ يونيو الصبح نزلت انا وابني نبيل وحفيدي ادهم، احنا التلاته كنا ٣ اجيال بس كنا نفس النغمة الهتاف ويسقط حكم المرشد وانزل يا سيسي وكل حاجه، الشعب المصري لما بتتجلي فيها وحدته محدش بيقدر عليه مهما كان قوته ده كوبري قصر النيل كان بيتهز من صوتنا لإنه هو ده الدفاع والرشاش بتاعنا.   وتابعت: "المستشار عدلي منصور كان رجل شجاع وقبل تحدي المسئولية في فترة صعبة جدا ويستحق التحية لدوره في ثورة 30 يونيو، وحركة تمرد تمثل هوية المصرية والتمرد على كل حاجة ضد مصر والهوية المصرية رقم واحد".