انتشرت خلال الفترة الماضية أخبار عن اعتزال الفنانة مي نور الشريف الفن والابتعاد عن الوسط، وذلك بسبب ابتعادها عن الساحة الفنية منذ عام 2017، حيث يعد آخر أعمالها مسلسل "اللهم إني صايم"، مع الفنان مصطفى شعبان. وحرصت مي على توضيح حقيقة اعتزالها الفن، وأشارت في تصريحات إعلامية، إلى أن الأمر لا يتعدى كونه رغبة منها في قضاء وقتها مع العائلة والأصدقاء، وقالت: "بحس إن كلمة اعتزال دي كلمة كبيرة أوي، يعني الاعتزال دا يكون لحد مشواره الفني تقيل أوي، لكن أنا أعتبر اللي أنا فيه ده من أول ما ابتديت، آه بشتغل في حاجات بروفيشنال، بس تعتبر كأني بشتغل بالموهبة وبأصقلها بس". وأضافت: "أنا نشيطة عائليًا، نشيطة في البيت يعني مع أهلي وأختي وصحابي المقربين، وأنا صحابي ناس معينة، ده من وأنا صغيرة، فأنا نشيطة مع صحابي وممكن هما برضه يكونوا مش بيشوفوني أوي، وباخد كورسات أونلاين". وتابعت مي: "فأنا مش شخصية سوشيال ميديا أوي، يعني حتى الأكونت نفسه بتاعي مفيش حد مثلا ماسكه، فببقى مش لاحقة دايمًا، وأنا حتى نشاطاتي على السوشيال ميديا قليلة أو إني أنزل منشورات وكدة. وأردفت قائلة: ببقى مبسوطة إني ألاقي ناس تبقى عجباهم أعمالي دي وفاكرين أدوار معينة، برغم إن أعمالي كانت محدودة، دي حاجة تسعدني طبعا. واختتمت مي نور الشريف حديثها، كاشفةً عن خطة أعمالها القادمة، وقالت: "بحاول أشجع أختي إننا نعمل مسرحية، بس مش مسرحية كبيرة أو بروفيشنال، مسرحية صغيرة زي مسرحيات الجامعة مثلاً".