علق السيناريست عمرو محمود ياسين على الكومبارس برنسة عبد الغني بشأن تصريحاتها الأخيرة عنه في برنامج المنسي مع الإعلامية انجي هشام المذاع عبر قناة "هي"  بخصوص ضياعه ملخص قصة حياتها التي كانت تريدها في عمل فني.   قال عمرو محمود ياسين عبر حسابه الشخصي على موقع "فيسبوك " قائلا:النهاردة   لاقيت الخبر  ده برنسة عبدالغني: عمرو محمود ياسين خد ملخص حياتي عشان يتعمل مسلسل وضيعه   أضاف: يا استاذه برنسه تحياتي ليكي اولا  .. ثانيًا   حضرتك كنتي قابلتيني واحنا بنصور مسلسل ونحب تاني  ليه  على ما أتذكر  و لاقيتك من تلقاء نفسك جايبالي ملخص  وقولتي لي  اقراه  عشان عايزه  اني اعمله مسلسل  وقتها كنا لسه بنصور  و  ما قدرتش اقراه وقتها.   تابع: قريته بعد  كده لما   اتصلتي بيا فكرتيني به بعد فترة طويلة، وقتهاانا قريته وللاسف  مالقتش  فكرة مناسبة   له وحضرتك ماكلمتينيش تاني وانا ماتصلتش برضه  و ده تقصير مني بعتذر عنه، لكن  مش عارف جبتي منين حكاية  اني انا ضيعته ؟؟  مش عارف جبتي الفكره دي منين ؟ ختم: الملخص بتاعك في الحفظ والصون زي ما هو وتقدري تاخديه وقت ماتحبي  و ربنا يكرمك.   برنسة عبد الغني: عمرو محمود ياسين خد ملخص حياتي عشان يتعمل مسلسل وضيعه.. ونفسي اتواصل مع عبلة كامل كشفت الفنانة برنسة عبد الغني حبها للنجم ياسر جلال قائلة: بحب ياسر جلال فنيا وإنسانيا لأنه بيساعدني ومسلسله السنادي كان جميل أوي.   وتابعت خلال حوارها مع الإعلامية انجي هشام في برنامج المنسي عبر قناة هي: كنت عايزة  قصة حياتي تتعمل في عمل فني وكتبت خمس صفحات واديتهم للمؤلف عمرو محمود ياسين على أساس هو يكمل لاني كتبت ملخص خدها ضيعها وقالي كده لما كلمته ولو هعمل قصة حياتي هختار مريم نعوم. وتحدثت عن ذكرياتهها مع الفنانة عبلة كامل في فيلم خالتي فرنسا قائلة:، فيلم خالتي فرنسا أقرب فيلم لقلبي من اللي شاركت فيهم ونفسي اتواصل مع عبلة كامل واكلمها ست الله يباركلها في بناتها ست جميلة أو ي. يذكر، أن برنامج " المنسي" هو برنامج على قناة " هي" تقديم الإعلامية انجي هشام، ويذاع يومي السبت والأحد في تمام الساعة الحادية عشر والنصف مساءا  ويستضيف عددا من نجوم الفن والإعلامين الذي غابت عنهم أضواء الشهرة والنجومية.