خلال لقاء لها مع برنامج ET بالعربي على هامش حضورها إحدى المناسبات الفنية، ردت الفنانة فيفي عبده على الانتقادات التي تتعرض لها، في الفترة الأخيرة بسبب الفيديوهات التي تنشرها على حساباتها الشخصية بمواقع التواصل الاجتماعي وهي ترقص فيها. وأعربت فيفي عن حبها الشديد للرقص، مؤكدة أنها ستمارس مهنتها طالما قادرة على ذلك، موضحة: "لو عندي 90 سنة وقادرة إني أرقص هعمل كده، ليه الناس عايزه تمنع عني أكسجيني أنا بحب الرقص جدًا، وعندي جمهوري اللي بيحبني في كل حالاتي". ووجهت الفنانة فيفي عبده رسالة شديدة اللهجة لمنتقديها على مواقع التواصل الاجتماعي، قالت فيها: "أنا بتشتم كتير على السوشيال ميديا بس مش كل قط يتقال له يا مشمش، ولا كل فار يعرف يختار، واللي في جمالي يبصق على أفعالي، واللي مش عاجبها من شعرها هجيبها". وكانت فيفي عبده قد طلبت في لقاء سابق من حاسديها الرحمة، وذلك بسبب تعرضها خلال الفترة الماضية إلى الحسد، الأمر الذي تسبب لها في وعكة صحية نتج عنها خضوعها لعملية جراحية. وقالت: "لأول مرة بقول لجمهوري ارحموني الناس كلها بتحبني، لكن أنا ممكن أحسد نفسي والحسد موجود ولكن زاد عن حده معايا، ومش عاوزة أضعف وأقول لهم إني محسودة لأني مش عاوزة العطف وأنا دايما واقفة زي الأسد برقص ومبسوطة وبسمع المزيكا، ومش عاوزة أكتئب، لأن الناس دي بتصحى من النوم تشوف صفحتي ويشوفوا عاملة إيه".