كشفت الفنانة المصرية الشابة نورهان منصور، عن واقعة تعرضها للتحرش، مؤكدة أن رد فعلها في تلك اللحظة كان تلقائياً،. وقالت نورهان: "ضربت واحد اتحرش بيا قبل كده وكان رد فعلي وقتها تلقائي بصراحة". وأضافت: "أهم حاجة في حياتي إني أكون على اتصال قوي بربنا وده بيفرق معايا جدًا بيحققلي نشوى كبيرة وبحس بدعمه ليا أوي، ولما بقصر برجع بشوق كبير أوي". وأردفت: "مش عارفة ليه الناس واخدة فكرة عني على السوشيال ميديا إني بنت بحب الفاشون واللايف ستايل والسفر، ولكن أنا بحب السفر والدراسة والقراءة جدًا، أنا ملتزمة ومنظمة أوي بزيادة". أما عند بدايتها الفنية، فقالت نورهان منصور: "أنا درست مسرح بس كنت حابة أشتغل ورا الكاميرا، لكن رانيا أختي من البداية هي اللي كانت محددة إنها عايزة تمثل، ولكن أنا وهي عملنا مع بعض مسلسل نصيبي وقسمتك، ونقدر نقول إن رانيا هي اللي ساعدتني". وكان أول أعمال نورهان منصور، مشاركتها في حكاية "بدلة جديدة"، من حكايات مسلسل "نصيبي وقسمتك"، تأليف عمرو محمود ياسين، والحكاية بطولة شريف سلامة ورانيا منصور ونورهان منصور وسلوى عثمان وإخراج محمد جمعة وتدور أحداث الحكاية في إطار خيال علمي مثير.