رحل عن عالمنا أمس طليق المطرب بوسي المنتج وليد فطين عقب خلافاتهم الشهيرة ما بين الخيانة والمخدرات التي وصلت لقاعات المحاكم ودخل القضاء بينهم، وأفصحت شقيقته أن تم العثور على جثته عقب 3 أيام وتحدثت شقيقة وليد فطين عن وفاته عبر تصريحات صحفية وقالت: "أخويا مماتش بـ كورونا هي السبب في تدميره، ربنا ينتقم منها حسبي الله ونعم الوكيل فيها، حاولت كتير أبعدها عنه لكن معرفتش، لو بوسي كانت ادت له حقه، من حق حفلة واحدة بتعملها كل سنة مرة مكنش مقهور بسببها هي متعرفش ربنا، دي حتى ممشيتش في جنازة أبوها، حسبي الله ونعم الوكيل كله عند ربنا.   هجوم فطين سعيد لـ طليقته بوسي وتوجيه أصابع الاتهام لها هاجم فطين سعيد طليق المطربة بوسي، زوجته السابقة في أحد التصريحات التلفزيونية وقال "مطلعاني خاين لأ أنا مش خاين اللي عندها هيا بتطلعه فيا، الدليل على كده إنها حاولت تتخلص مني وحطيت لي ذخيرة وسلاح ومخدرات تحت السرير". وتابع: "من أول ما حمدي بدر، دخل حياتنا المشاكل زادت"، مضيفًا: "كان يصادف يقول له إنت فين، دي بوسي في الجيم مع نجل منتج شهير، وأكد أن الأمور خرجت عن نطاقها لدرجة أنه ذهب لنجل هذا المنتج في مكتب والده وحدثت هناك مشكلات، فيما أكدا له إنه يفهم الموضوع خطأ ولا صحة إطلاقا لما يعتقده، وأخيرًا اتهمها بتوجيه عدد من الأشخاص بالتعدي عليه وسرقة شيكات وأوراق خاصة به.   تصريحات بوسي عن طليقها في حبر سري و حلت بوسي في ضيافة برنامج "حبر سري" وتحدثت عن الأمر فقالت: "أنا مش عايزة أخوض في سيرته كتير، الله يسهله، وطول ما هو بعيد عني أنا تمام بس أنا لو عملت كدا هقول، ربنا حليم ستار دي كانت علاقة راحت بحلوها وبوحشها، أنا دلوقتي ست متزوجة معايا راجل وراجل قوي كمان وبحترمه، وكمان فيه طفل من طليقي فمش هينفع أقول أي كلمة وحشة تخص أبوه، وهو هيكبر وهيعرف كل حاجة لوحده". وأضافت: "والعلاقة دي وجعتني ورجعتني ورا بسبب المشاكل، وهو كان سبب المشاكل، كلنا فينا عيوب، بس عيوبي مش بتضر، أنا عصبية شوية خلقي ضيق حبتين بس عمري ما أذيت حد، أنا بؤ على الفاضي مش هو بيقول أني صرفت عليها ؟