حل الفنان ماجد الكدواني ضيفا على برنامج "صاحبة السعادة" الذي تقدمه لإعلامية إسعاد يونس، عبر شاشة DMC.   وروى الكدوانى، بعض المواقف التي جمعته بالفنانة إسعاد يونس، قائلا:"كنت ذاهب للحديث مع إسعاد يونس فوجدها تأخذنى إلى المطبخ وكمية طواجن ورنجة وبصل فكانت مفاجأة بالنسبة لى ولم أغضب منك على الإطلاق".   ماجد الكدواني: الفسيخ مبعرفش متي أشبع منه   وتابع ماجد الكدواني: "الفسيخ الحاجة الوحيدة اللى لا أعرف متى أشبع منها، وانا وإسعاد أكلنا عيش وملح مع بعض".   وفي نفس السياق، وجة ماجد الكدواني رسالة شكر للإعلامية والفنانة الكبيرة إسعاد يونس قائلا: "أشكر ربنا إنه حط إسعاد يونس في حياتي لإنها من أسباب الترتيبات الحلوة اللى دعمتني بشغلي".   وتابع ماجد الكدواني: "أحلى حاجة فرحت قلبي في يوم فرح ابني ده كلمة اتقالت على لسان الكل المحبة والحب الحقيقي ومش بغصب على حد يجي فرح ابني، واتفاجئت بوجود رامي إمام وكريم عبد العزيز وريهام عبد الغفور وهاني رمزي وشيرين رضا، ولمست حب حقيقي من كل الناس، وكريم عبد العزيز قال لي ده فرح ابني، وأحمد الجنايني تعب أكتر مني في تجهيز الفرح لإني كنت بجهز فيلم أبو نسب، فالمحبة نعمة كبيرة أوي والحمد لله والشكر لله".   ماجد الكدواني: ولادي نقطة ضعفي    واستكمل حديثة قائلا: "ولادي يوسف وساندرا نقطة ضعفي، هما ثمرة الحياة وثمرة الحياة غالية لما بشوف حد بيكبر ويتبني قدامي وجاء من لا شيء فهذه نعمة كبيرة فهم هدايا في الحياة، شوفتهم بيكبروا ويتكونوا وواخدين حتة مني مشاعر واحساسيس متتوصفش لكنها غالية أو ي، ربنا يحفظهم ويفرح كل الناس بأولادهم". ماجد الكدواني: ابني صاحبي من صغره وبيهمني رأيه   وأكمل ماجد الكدواني: " يوسف ابني صاحبي من صغره كبير ومسئول وتطورت العلاقة إني بستشيره وبيهمني رأيه ولما جاء الجواز بتاعه يقرب زي اللى عنده عملية وخايف منها، ولحظة لما سافر أمريكا وكان بيدرس هناك كانت صعبة بالنسبة لي، أما ساندرا عندي مشكلة مش قادر اتخيل أن فيه راجل هياخدها مني وساعات بقولها مين الجزمة ده اللي هيجي يتجوزك وياخدك مني إحساس صعب".   وأكمل ماجد الكدواني قائلا: "بقيت عايش اليوم بيومه وامبارح خلص وبكرة بتاع ربنا، لكن دايما بنتأمل في أن ربنا بيجيب الخير ".