رد الاستشاري النفسي والاجتماعي الدكتور سلمان العواد على سؤال إحدى متابعاته قالت فيه “زوجي ضربني من أول سنة بالزواج ضرب مبرح وتدخلوا أهله للإصلاح وسامحت عشانهم وكان يتكرر الضرب خلال 9 سنوات كذا مرة يمكن 5، آخر مرة قلت لأهلي وزعلوا وفسخت عقد النكاح بس الآن شايلة هم عيالي ونفسياتهم بدون أب، الزوج أنكر هو وأهله. وقال العواد: هذا الكلام مع احترامي الشديد لك، أنت سببه، وفي كلمة ما ودي أقولها لك لأن ما ودي تزعلين ولا أنزل لمستوى معين ، ولكن هذا الكلام مب صحيح وفعلا لو يهمك عيالك ما ترضين إن أمهم تنطق قدامهم ولا يدرون عنها وإن هذا اللي يطق مرة كويس ورهيب وبس طقني بالـ 9 سنوات 5 مرات وكانت دفة بسيطة مب صحيح. وأضاف : الحقيقة هو سيء وقليل أدب وعصبي اللي يصل لمدة اليد، وهذا يزيد وعيالك قاعدين يشوفون أشياء ليست صحية، أنت فكري بعقل واتركي عنك العاطفة وأفلام الدراما يا إما بترجعين معززة مكرمة ولا تنضربين أنت حرة.