قام بعض من مشاهير الوطن العربي، بإنتقاد موقف إنسحاب الفنان محمد سلام، بسبب إنسحابه من من المشاركه في عرض مسرحية زواج إصطناعي، المقرر انطلاقها يوم 30 أكتوبر الجاري، وذلك تضامنًا مع الشعب الفلسطيني، على الرغم من تلقيه دعم كبير لموقفه من عدد كبير من نجوم الفن. عمرو أديب وكنب الإعلامي عمرو أديب عبر حسابه الرسمي بموقع التواصل الإجتماعي “إكس” تويتر سابقًا تغريدة يهاجم بها محمد سلام قائلا:إليكم موقفي بشكل واضح ومباشر، أحترم جدًا مشاعر كل إنسان حزين محطم مما يحدث الآن، فنحن في كارثة إنسانية، ولكن بشكل واضح لا أحد يزايد على موقف السعودية، لا أحد يزايد على جهود الأمير محمد بن سلمان، لا أحد يقلل من مشاعر المواطن السعودي. وأضاف عمرو أديب: السعودية موقفها من أول يوم أفضل كثيرًا من دول تعرفوها جيدًا، ولا أحتاج لذكرها لأني لا أري أي مبرر أن نتشاجر فيما بيننا، في هذا الوقت العصيب، بصراحة أنا لا أحكم على الدول بقدر الشارات السوداء فيها، ولكن بفاعليتها وقدرتها على رفع الظلم عن الشعب الفلسطيني، وهو الأمر الذي عملت عليه المملكة على مدى السنين، وحتى ليلة أمس في مجلس الأمن. وتابع عمرو أديب: هذا هو قدر الكيانات الكبيرة المؤثرة، أما الكومبارس لا يلقون أي هجوم أو حتى الذكر، وبشكل مباشر دعوا كل دولة تمارس دورها بطريقتها، ودعوا كل شعب يعيش حياته بالطريقة التي يرضاها، لكن المهم سؤال واحد، هل تقوم بدورك في هذه المصيبة؟، هل تستخدم وزنك وضغطك لكى تساعد اخواتنا وابنائنا؟. وتابع: السعودية لها تاريخ من المساندة، وستكشف الأيام أكثر وأكثر دور الأمير محمد بن سلمان، ودور المملكة في حماية هذه القضية، ومنذ اليوم الأول وعلى لسان ولي العهد أو وزير الخارجية السعودي، المواقف واضحة، لا تقبل التأويل، لا تريد الذهاب للمملكة هذا شأنك، ولكن كيف تعيش المملكة هذا شأنها.   وختم حديثه: محمد بن سلمان قابل واتصل بعشرات المسئولين، بشكل علني إبتداء من بايدن إنتهاء بشخصيات أممية مؤثرة، ولكن المملكة لا تعشق الألعاب النارية، أضواء بلا فاعلية ولكن تريد المصلحة والإنجاز، وهذه هى شخصية محمد بن سلمان المعروفة وهذه هي الطريقة السعودية على مدى السنين.. واضح أنا مباشر أنا. رشا مهدي وإنتقدت الفنانة رشا مهدي موقف الفنان محمد سلام وكتبت رشا عبر حسابها الشخصي على منصة اكس قائلة:" الفن رسالة..  الفن فكر ومشاعر واحساس بيوصل لكل الناس!. وتابعت: اللي شايف الفن تهريج وكلام فارغ دا شخص جاهل،الفن بيقدر يوصل اللي متقدرش الدبابات والطيارات توصله.   وأضافت: انت فنان؟ يبقى استخدم ادواتك! وصل رسالتك بالفن! وصل فكرك بالفن! وصل غضبك وشعورك بالفن!مش بالمزايدات والمتاجرة بآلام الناس. تامر عبد المنعم وشارك الفنان تامر عبدالمنعم منشور يعلق فيه على موقف الفنان محمد سلام من عرض مسرحي بموسم الرياض من خلال حسابه الشخصي على موقع فيسبوك. كتب تامر عبد المنعم قائلا: عملت معه لسنوات طويلة..الاستاذ عادل امام علمنا ان المسرح رسالة وعلمنا ايضا مقولة عميقة لن يستوعبها الا العقلاء والنبلاء وهي ( المسرح لا يعيقه القبر ) اظن الرسالة وصلت كفاكم مزايدات وكفاية اهانة لمهنة الفن بقي. السيناريست محمد أمين راضي قام السيناريست محمد أمين راضي بتوجيه رسالة إلى محمد سلام حول اعتذاره عن مسرحية “زواج اصطناعي”، ونشر منشور عبر حسابه الرسمي على فيسبوك. وعلق قائلًا: مش قادر فكرة إني علشان بحب محمد سلام جدا فأقرر ما قولش رايي بصراحة مضايقني من أول ما قولت لنفسي كده امبارح، لأن على الجانب الآخر ما صلاح الجهيني صاحبي، بس حقيقي بعيد بقى عن المحبة والصداقة، اللي عمله سلام فعل غير مهني بالمرة، حتى ولو مشاعره صادقة. وأضاف: وكان عادي خلاص برضه ده يحصل بصمت، دون أي فيديوهات تحرج زمايله اللي موجودين حاليًا، وبتحرج اكتر اللي هيجي بعده، خصوصًا أن صار العرف أن الواحد بيعمل الفيديوهات اللي بيوضح فيها موقفه للناس اللي هو عامل حاجة غلط في حقهم أو اللي زعلانين منه، اللي همه في الحالة دي”.   وتابع قائلًا:" الجمهور اللي قطع التذاكر بناء على الإعلانات اللي هو موجود فيها لحد امبارح، وطبعًا الفيديو المعمول مش موجه خالص للجمهور اللي بتكلم عليه، والأهم بقى من كل ده وفوق كل ده الفن مش رفاهية الفن مش رفاهية أو شيء ممارسته تسيء وتقلل من هيبة الحزن، ومش هتكلم خالص عن خصوصية الفن ودوره.. خالص انا مش هتكلم إلا على كونه مهنة مفيش أي مهنة بيتطلب منها أو بيتطوع صحابها من نفسهم بالتوقف عشان الظروف إلا أحنا". وختم حديثه: ما قبلتش أنا حد في بنك قرر يستقيل عشان خاله مات مثلا وحقيقي أنا مش فاهم إيه اللي حصل أنا واحد اتربى على جيل من الفانين كانوا بيتفاخروا بأن أقرب الأقربين ليهم ابوهم مات وهمه دفنوه وطلعوا على المسرح علشان عندهم ميعاد خشبة مسرح وعندهم جمهور قاطع تذاكر واحترامه شيء مقدس سيد مكاوي واخرين كان بيسافر الجبهة بتاعت الحرب عندنا إحنا علشان يعملولهم حفلات مخصوص لرفع من روحهم المعنوية فاللي إحنا بنتكلم فيه لا هو بدعة ولا أفورة مننا في حقيقة الأمر انتوا مبتذلين". موقف إنسحاب محمد سلام من مسرحية زواج إصطناعي ويذكر أن الفنان محمد سلام قد شارك فيديو يكشف فيه عن إنسحابه من عرض مسرحيه زواج إصطناعي، بسبب تضامنه مع الشعب الفلسطيني، وذلك عبر حسابه الرسمي على موقع تبادل الصور والفيديوهات انستجرام. وقال محمد سلام في الفيديو: السلام عليكم، إن شاء الله المفروض بكرة أعرض مسرحية "زواج اصطناعي" في الرياض، المفروض إن هي مسرحية كوميدية وفيها أغاني واستعراضات، والمفروض إن إحنا هنعرض يوم 30 ونعرض في وسط الأحداث اللي بتحصل في غزة. وتابع سلام: أنا مش متخيل الصراحة إن هروح وأعمل مسرحية وأهزر وأغنية وأرقص وأخواتنا في فلسطين عمالين يتقتلوا ومفيش حاجة بتحصلهم وانا مش هقدر أسافر طبعا، ليه بقول الكلام ده في آخر لحظة المفروض إن إحنا نسافر بكرا إن شاء الله، في الوقت اللي الناس فيه عمالة تموت ومفيش حاجة بتحصل. وأكمل سلام: انا إزاي هروح أعرض والناس بتحصلهم كده في فلسطين، سامحوني لو إحساسي مبالغ بس أنا حاسس لو عملت كده هبقا زي اللي بقتلهم بظبط إني خذلتهم مش عارف أعملهم حاجة كفاية علينا السكوت اللي إحنا في كلنا، وكمان أنا مش هبقا ساكت بس ده أنا بهزر وبرقص واللي بيحصل بيحصل في فلسطين وانا بعتذر جدا إن أشارك في موسم الرياض. وأضاف سلام: المشكلة إن اللي بيحصل في فلسطين ده قضية كل مسلم في المقام الأول، لذلك واجب علي كل المسلمين إن هما يساعدو إخوانهم في غزة ويقدملهم اي مساعدة وانا دلوقتي مفيش اي حاجة أقدر أعملها زي زي ناش كتير جدا نفسنا تعمل حاجة ونساعد ومش قادرين نعملهم حاجة، ودلوقتي لو ربنا توفانا ونتسأل كلنا إنت ساعت أخوك المسلم في فلسطين عملتله ايه،اللي مقدرش يعمل حاجة هيسكت طبعا، وأنا هرد هقول ايه!؟. وتابع:  هقول إن الوقت اللي كان في اخواتنا الفلسطينين بيضربوا ويموتوا منهم الأطفال والنساء، انا كنت بعمل مسرحية كوميدية بضحك الناس وبرقص وبغني، طبعا لأ مش هقدر أعمل كده، وأنا كان عندي أمل المهرجان يتأجل أو يتلغي ولكن المهرجان مزال قائم مليش علاقة ليه مزال قائم مش هدخل فيها ولكن أنا مش هقدر أكون جزء من اللي بيحصل واقدر أشارك في المهرجان ده والمفروض إن إحنا منكتفيش بالدعاء لإخواتنا في فلسطين معرفش ايه اللي يحصل بس المفروض نعمل حاجة تانية. وأنهى سلام حديثه: الفيديو ده مش مقصود منه حاجة خالص غير إن أنا فعلا في مشكلة انا بقالي كتير جدا مش عارف اسافر ولا اعمل ايه وامبارح كنت قاعد مع أصدقائي فنانين وفعلا في ناس قالتلي اسافر ده مصدر رزقك وفعلا التمثيل ده رزقي وزق أولادي واللي بصرف عليه من البيت هو التمثيل وأنا لو مسافرتش هل هموت من الجوع اكييد لاء بس الناس هي اللي بتموت هناك في غزة، ولو حد هاجمني عن التمثيل وقال إن ده رسالة أنا معاك في ده وان من ادخل البهجة علي قلب مؤمن له أجر طبعا ولكن السؤال مين اللي محتاجين إن ندخل البهجة علي قلبه دلوقتي!؟.