محمد اسماعيل - القاهرة - كتب - هاني صابر: وجه المخرج أحمد ثروت نجل الفنان محمد ثروت، رسالة لـ العامري فاروق نائب رئيس مجلس إدارة النادي الأهلي بعد الأزمة الصحية الأخيرة التي تعرض لها. ونشر أحمد ثروت، صورا له مع العامري فاروق، عبر حسابه على إنستجرام، وعلق: "أول مرة أعرف يعني إيه أفتقد وجود شخص جنبي.. اتعودت أنه هو اللي واقف جنبي وفي ظهري، كل ما أضعف هو اللي يزقني إني أكمل، وكل ما أتعب يقولي أنت عندك اكتر وحتى لما كنت في المستشفى في رحلة مرضي أول ما شافني قالي (أنا عارفك قوي ورخم وهتقوم وتنور بيتك تاني) وأنا كمان عندي يقين انك قوي وربنا هيكرمك إن شاء الله". وأضاف: "أول مرة أحس إحساس التمزق ده اني مش عارف أعمل حاجة غير اني أدعي من قلبي وبطلب منكم كلكم الدعاء لهذا الرجل المحترم الوزير العامري فاروق إن ربنا يرجعه سالم معافى وسطنا ووسط حبايبه.. وحشتنا كلنا فعلاً". يذكر أن، العامري فاروق نائب رئيس مجلس إدارة النادي الأهلي يمكث حاليا في أحد المستشفيات بمدينة السادس من أكتوبر، إثر اصابته بنزيف على المخ أثناء تواجده داخل مقر القلعة الحمراء.