ردت الفنانة ريهام حجاج على الأخبار المتداولة على مواقع التواصل الاجتماعي حول تعليقها على خبر انفصال الفنانة ياسمين عبد العزيز والفنان أحمد العوضى. ونشرت ريهام على حسابها الخاص على "إنستغرام" مقطع فيديو نفت من خلالها كل ما أشيع حول هذا الامر قائلة: "أنا بعمل الفيديو ده عشان أرد وأنا مش برد على أى إشاعات، ومن 6 سنين بيتقال كلام أنا عمرى ما قلته، وأنا عمرى ما رديت". أضافت: "النهاردة قررت أرد، اللي اتقال النهاردة سخافة وقلة احترام وقلة دين، أنا النهاردة قاعدة في البيت وأكتشف إني كاتبة ستوري ومسحتها". وتابعت: "أنا معملتش كده، والكلام ده منتشر على صفحات رخيصة بتدور على الفتنة والوقيعة بين الناس". وكتبت ريهام معلقة على الفيديو قائلة: "عيب احترموا نفسكم بقا وخللي عندكم دين وأخلاق بدل الانحدار اللي باقيتوا فيه دا". وكانت ياسمين عبد العزيز قد أعلنت مساء أمس عن انفصالها عن زوجها أحمد العوضي، كاتبة على حسابها الخاص بـ"فيسبوك": "تم الطلاق الرسمي بيني وبين أحمد وبيننا كل الاحترام والتقدير".