تعرضت لورا عماد، طليقة الفنان شريف منير، لحادث سير، مساء الأربعاء، ما أدى إلى تهشم سيارتها بالكامل. وعبر صفحتها على «إنستجرام»، نشرت لورا فيديو ظهر فيه أثار الحادث وعلقت قائلة: «عمري ما عملت حادثة في حياتي، وطول عمري أقول إن الخوف من الناس اللي بتسوق حواليك مهما كنت أنت بتعرف تسوق، وأن اللي ربنا كتبهولك حتشوفه، وإنك متملكش في نفسك ولا في اللي حواليك حاجة غير أنك تدعي لنفسك وللي حواليك أن ربنا يحفظنا ويلطف بينا». وأضافت: «أما أهم اكتشاف اكتشفته أن الزحمة أأمن بكتير من الشوارع الفاضية السريعة الجاذبة لمحبي السرعة، أما الحاجه التانية اللي عارفاها من زمان أن اللي بيمشي مبيتعبش بس بيسيب ناس أتكسر قلبهم لأنهم حبوك من قلبهم. أشكرك يا رب إني مكسرتش قلب حد وإني طلعت منها على خير». وتابعت: «ربنا يحفظكم كلكم ويحفظ أولادكم من شر الطريق وشر الناس المستهتره وأن محدش مات حتي لو كان هو إللي غلطان لأني مش عارفة كنت حبقي عاملة ايه لو كان حد مات حتي وإن كان هو الغلطان، أرجوكم أرحموا أهاليكم ومتموتهمش وهما عايشين».