«هرفع عليك قضية».. كلمات من منشور، شاركته الإعلامية ريهام سعيد، عبر حسابها على إنستجرام، اتهمت خلاله طبيب تجميل شهير بتشويه وجهها. وشاركت «سعيد» منشورا مصحوبا بوجهين، ادعى الطبيب أنهما لها، قبل وبعد جراحة التجميل. وكتبت الإعلامية تعليقا على الصورة: «وصل بيك الإجرام إنك تشوهني وتموت 2 ستات قبلي وتحط صورة لواحدة مختلفة وتقول إنها أنا؟ ده أنا كنت زي القمر قبل ما أجيلك.. مين الست اللي إنت حاططها دي؟ والدتك؟». وتابعت: «عارف؟ أنا هابطلك طب عشان إنت بتإذي ناس كتير أوي.. أنت أبعد حاجة عن أنك تكون دكتور.. أنت وقعت غلط خالص». وأضافت «سعيد»: «أنا بحذر الناس كلها من التعامل معاه، أنا هتطلع لايف أوريهم إنت عملت أيه؟ حاطت أي صوره فيك لواحده تانيه وبتقول أنها أنا؟». من جانبه، نفى طبيب التجميل نادر صعب، عبر بيان شاركه على مواقع التواصل الاجتماعي، ما وصفه بادعاءات ريهام سعيد، وتسليم الأدلة التي تثبت ذلك للجهات المختصة. كما أشار أنه سيتم اتخاذ الإجراءات القانونية ضدها. وخرجت «سعيد» عقب بيان «صعب»، عبر حسابها على إنستجرام، في بث مباشر، لتكشف عن التغيرات التي طالت وجهها بعد الإجراء التجميلي على يد الطبيب منذ حوالي سنة. ولفتت إلى أن «صعب» قبل شهرين قام بحقن «الفيلر» في مناطق على جانبي عينيها، وشبهت شكلها بأنه كـ«الشيطان»، وأوضحت إنها اضطرت إلى عمل «تاتو» في محاولة لمعالجة شكل حاجبيها. واتهمت ريهام الطبيب بأنه أصابها بحرق خلال إجراء العملية التجميلية بشهادة الأطباء، موضحة أنها قامت بالعملية التجميلية منذ 11 شهراً ولم تتحدث. وتصدر الجدل الواسع، بين الإعلامية والطبيب بسبب عمليات التجميل، خلال الساعات الماضية، محركات بحث مواقع التواصل الاجتماعي. ريهام سعيد وعمليات التجميل لم يكن توجه «سعيد» لإجراء عمليات تجميل، حدثًا وليد اليوم، فقد بدأته منذ سنوات، وكشفت عن السبب، خلال برامجها التلفزيونية. منذ نحو 5 سنوات، اعترفت «سعيد»، خلال حلولها كضيفة على برنامج «شيخ الحارة»، أنها قامت بإجراء عملية تجميل. وقالت: «أنا الحاجز الأنفي بتاعي كان معووج، أنا بابايا ساب المستشفى ومشي وقالهم مش عايزها لما كنت بيبي ومناخيري عاملة كده». وقبل عامين، وعبر قناة النهار، حكت ريهام قصتها مع عمليات التجميل، خلال تقديمها لحلقة برنامجها «صبايا الخير». وقالت: «عمليات التجميل اللي أنا عارفاها إن حاجة بايظة وهنصلحها، في حاجات بتحصل للواحد في حياته بتبوظ الحاجات اللي ربنا مديهاله». وأضافت «سعيد»: «عمليات التجميل مش دلع ولا حاجة صناعية زي ما بتقولوا، والبوتوكس والفيلر مش علمية دي حقن بتتحقن في الوش، عشان اللي عنده تجاعيد يضيعها». وتابعت: «في حاجات ضرورية وغير ضرورية، الضرورة في إن واحدة زيي بتشتغل شغلانة زي دي وبيحاسبوها، بصوا دي عجزت إزاي، عندها تجاعيد في الحتة الفلانية، فابنضطر ناخد الحاجات دي. أنا عن نفسي والله العظيم مش بتكسف خالص، عندي زي حفرتين بين عيني لازم يكونوا مفرودين». واختتمت حديثها عن عمليات التجميل قائلة: «نفخ لأ مفيش، دول عضمتين مش خدود، أنا ما بنفخش. أنا كبرت وبزعل إني كبرت وإن في كرمشة، وحتى عمليات التجميل ليها حد ووقت بتقف عنده ما بتقدرش».