تصدر اسم الفنان والمنتج هشام جمال تريند مؤشرات بحث جوجل، نظرًا لظهوره الآخير  برفقة خطيبته ليلى أحمد زاهر في برنامج صاحبة السعادة.   وكشف هشام جمال عن تفاصيل وكواليس علاقتهم قائلا: "ليلى كانت حطاني في الفريندزون، ومن اول ما اتعرفنا لحد ما عملنا الموسم الأول والثاني من مسلسل في بيتنا روبوت وبعدها كمان واحنا مفيش بينا أي حاجة غير أننا اخوات فقط وبالنسبالي كانت زميلتي في الشغل اللي مسؤولة مني".   هشام جمال يكشف عن بداية علاقته بـ ليلى زاهر   وأضاف:" ليلى زاهر بداية تعارفي بيها كان بوستر أحمد زاهر منزله ليهم هما الاتنين ووقتها حسيت أن شكلها اكبر من سنها وتنفع للمسلسل وكلمتها وجت مع باباها احمد زاهر ووقتها قالي خلي بالك منها مش هوصيلك عليها، ليلى صغيرة ومتعرفش حاجة خالص".   هشام جمال: “ليلى كانت بالنسبالي الصغيرة اللي باباها موصيني عليها ”   وتابع:" فطول الوقت ليلى زاهر بالنسبالي كانت بنت أحمد زاهر اللي موصيني عليها، الطفلة الصغيرة اللي المفروض محدش يضايقها ولا يستغلها في حاجة".    وقال:" الموضوع مكنش بسبب فرق السن احنا بينا مش كتير بس عشان انا أكثر خبرة منها وتعامل واختلاط بالناس".  وعلى صعيد آخر، قالت ليلى زاهر، إنها لم تشعر بأي شيء تجاه هشام جمال ولكن كان يحدث لها اشياء غريبة لم تكن تتوقع أن هذا هو الحب".   ليلى أحمد زاهر: "هشام جمال شخصية جدعة مع كله"    وأوضحت:" هشام جمال شخصية جدعة مع كله ودايما موجود مع الناس في المواقف الحلوة قبل الوحشة".   آخر أعمال هشام جمال    والجدير بالذكر آخر أعمال الفنان هشام جمال ديو " أمور بسيطة"، والتي تجمعه بـ الفنانة ليلى أحمد زاهر، وحاز الديو على إعجاب الجمهور وتصدر الترند فور نزوله.