وجهت النجمة منة فضالي رسالة شكر إلى عدد من الفنانين والنجوم الذين ساندوها خلال خضوع والدتها لعملية استئصال في القولون. وكتبت منة على حسابها الخاص بـ"فيسبوك" رسالة طويلة تشكر وتعاتب فيها العديد من أصدقائها في الوسط الفني وخارجه، حيث قالت: "عاوزة أشكر كل الناس اللي جاتلي المستشفي علشان يطمنوا على ماما واللي اتصلوا بجد ألف شكر وفعلا المواقف بتبين الناس، في ناس معرفهاش والله جاتلي واتصلوا وناس كانت قريبة وكنت فاكراهم صحاب ولا فكروا حتى يسألوا بس معلش؟". وتابعت منة: "وحقيقي بشكر من قلبي الرجولة كلها، في عز ما هو مشغول مسابنيش، الرجولة أمير كرارة... إيمان العاصي، مي كساب، لقاء سويدان، عبير منير، عفاف محروس، وكيكي هجرس، منى عبد السلام، متحرمش منكم ولا من جدعنتكم مسبتنيش لوحدي، وحقيقي شكرا من قلبي لصاحبتي الوحيدة اللي معايا من أول ما جيت المستشفي منار المساعدة بتاعتي وظهري ابتسام وبنتها أمل، شكراً ليكم يا جماعة أول مرة أحس إني محبوبة وإني مش لوحدي" وتحدثت منة فضالي عن حالة والدتها الصحية بعد إصابتها بـسرطان القولون وتطورات العملية الجراحية، فقالت: "أنا أمي كان عندها كانسر في القولون وشلنا ٩٠ في المية من القولون وعملنا تحويل مسار وحوار طويل جداً ولسة مكملين في المستشفي بس إن شاء الله تتحسن".