خلال الجزء الثاني من حلقتها ببرنامج "العرافة" الذي تقدمه الإعلامية بسمة وهبة على قناة النهار، تحدثت الفنانة ريم البارودي، عن العديد من الأسرار الفنية والشخصية وحقيقة الخلاف مع المخرج محمد سامي وما يضايقها في أزمتها مع طليقها الفنان أحمد سعد وقصة استضافتها مع الفنانة سمية الخشاب في "رامز جاب من الآخر". وقالت ريم في تصريحاتها: - لم يتم ترشيحي للمشاركة في مسلسل "جعفر العمدة" مع الفنان محمد رمضان، وما قيل إنني كنت سأجسد شخصية "دلال" التي جسدتها الفنانة إيمان العاصي غير حقيقي. - رفضت أظهر مع رامز جلال ومكنتش أعرف إن أنا وسمية الخشاب هنكون ضيفتين في برنامج "رامز جاب من الآخر"، رامز لذيذ ودمه خفيف بس تقيل في تقديمته وتقيل في الهزار مع الضيف. - كنت عايز تجيبني وسمية الخشاب ليه؟! تضحك علينا الوطن العربي؟! عيب.. الإهانة المتعمدة عيب، مينفعش تقول عليّ حريم فولان وإكسات فولان، عيب، هو ده الهزار؟! - سمية كانت مرحبة إننا نطلع مع بعض وقالت تعالي هنطلع نعمل حلقة حلوة. - ربط اسمي باسم أحمد سعد، بتضايق منه أكيد، بتضايق من التريندات الرخيصة والمواقع اللي بقت معتمدة على التريندات. - المواقع دي لما راجل بينفصل عن ست بيحطوا ست تانية معاه، ويعملوا أفيش ورخص وحاجات وجايز كل واحد بقى عنده بيته وبقى عنده حياته.. ليه؟!". - لازم أتضايق من ربطي باسم أحمد سعد، ومش شايفة إني كنت مأفورة في المشكلات معاه، وشايفة إني أقل من كل مطربات الوطن العربي اللي بيتخانوا ويتكلموا في برامج ويعملوا مداخلات. - أنا مهنتش أحمد سعد واتكلمت في حاجة تخصني وفي عز المشاكل كنت بقول إنه كان راجل كريم وكويس. - معرفش ليه محمد سامي مش بيحبني ومعنديش معلومة، اسألوه هو. - إيه المشكلة إني رفضت مسلسل "جري الوحوش" مرتين. - قدمت مسلسل الباطنية بعد ما جرى إنتاجه كفيلم سينما، وكانت شخصية مروة ليست موجودة في الفيلم، وأخاف أعيد تجربة مش معمول حسابها في حاجات كتير جدا، وأنا أكتر واحدة اعتذرت عن أعمال وأختار أعمالي بعناية شديدة". - في بيت ربنا هلبس إيه يعني، وبعدين إنتوا مالكم ألبس إيه بعد ما أرجع حتى لو هلبس عريان، مبعرفش أمسك نفسي وبرد. - لو الشخص اللي بينتقد قدامي همسكه من لسانه، الفانز بتوعي محترمين، ولكن الذباب الإلكتروني بيكونوا مرضى نفسيين. - اعتذرت عن فيلم عمارة يعقوبيان والإخوة الأعداء، لأني مش بحب أعيد نفسي في الأدوار. - كنت معزومة في تكريم تبع وزارة الثقافة بالمغرب، ومحصلش حاجة من اللي قالولي عليها، وقررت إني مش هنزل الحفلة، وطلعولي واحدة ملبوسة صوتها بيتغير، بتقولي أنا ملبوسة، قلتلها لو أنتي ملبوسة أنا مجنونة وكنت هرمي نفسي من الدور الرابع خوفًا منها. - مش بكلم وفاء عامر من سنة وشهرين وزعلانة منها، فيه حد مسخنها عليا، وفي أزمتي أنا وأحمد سعد اتدخلت رغم أنها مسمعتش من الطرفين وفي أزمتي مع ريهام سعيد مدخلتش معللة إنها مسمعتش المشكلة من الطرفين. - وفاء عامر ست بتاعة ربنا وبتصلي وبتعمل عمرة وطلعت حج وعندها عمر، وبقولها ليه تقولي مش هاتدخل في أزمة ريم البارودي لأني مسمعتش من ريهام سعيد رغم إنها عارفة كل القصة كاملة. - وفاء عامر الممثلة الوحيدة اللي حضرت فرح المتهم بانتهاك حرمة حياتي الخاصة. وانفعلت ريم البارودي في أثناء توجيه بسمة وهبة سؤال لها قائلة: سرك مش في بير ده سؤال عن حياتك الشخصية محدش يعرفه خالص، لترد عليها ريم البارودي قائلة: لو تقدري تسألي السؤال أنا هرد عليكي، وتمزق ريم ورقة الأسئلة على الهواء.