تصدر إسم الفنانة سلمى أبوضيف تريند محركات بحث جوجل، نظرا لظهورها ببرنامج معكم منى الشاذلي المذاع على قناة أون، والتي تقدمه الإعلامية منى الشاذلي.    كما كشفت الفنانة سلمى أبو ضيف أن حبها للأزياء بدأ منذ طفولتها كون والدها كان تاجرا للأقمشة. وقالت: "أنا طول عمري بحب اللبس وفاكرة زمان بابا كان بينزل يشتري معايا اللبس، بابا كان بيشتغل في الأقمشة كان تاجر قماش، كان دايما يشوف الخامة فعندي خلفية، كنت أروح المحل عنده زمان في الأزهر أشوف الأقمشة وأعيش وسط القماش".   سلمى أبو ضيف:اتعلمت أن الجودة أهم من حاجات ممكن نشتريها وتترمي وأضافت: "ممكن أكون اتأثرت ببابا كان عنده عدسة يشوف بيها القماش، ولما كنا بننزل نشتري اللبس كان يقولي إيه "الهلاهيل" اللي بتجيبيها وفي حاجات يقولي هتلبسيها وهتفضل عندك في الدولاب، واتعلمت أن الجودة أهم من حاجات ممكن نشتريها وتترمي".   وتابعت:"عندما ظهرت بمجوهرات في حفل ما أكون أعرضها  ولست أمتلكها، وأغلى حاجة لبستها أظن كان في مهرجان كان، عقد كبير كان تحفة ألماظ كله لونه أخضر، باخده لفة وياخدوه مني".   وأشارت: "اللبس اللي بلبسه في فرنسا بحبه لأني بحس إني وأنا نازلة محدش هيتريق عليا وواثقة لكن هنا ممكن حد يتريق عليا، كان في لبس لبسته في مهرجان القاهرة والناس اتريقت عليا جدا".   آخر أعمال سلمى أبو ضيف    والجدير بالذكر آخر أعمال سلمى أبو ضيف مسلسل "أعلى نسبة مشاهدة"، والذي حازت على إعجاب الجماهير في الوطن العربي.    أبطال مسلسل" أعلى نسبة مشاهدة " مسلسل "أعلى نسبة مشاهدة" بطولة سلمى أبو ضيف، ليلى أحمد زاهر، فرح يوسف، جلا هشام، إنتصار، محمد محمود، أحمد فهيم، إسلام إبراهيم، وآخرين، والعمل من تأليف سمر طاهر، وإخراج ياسمين أحمد كامل.