أوضح النجم كريم قاسم خلال لقائه ببودكاست "قهوة باللبن" سبب عدم ارتباطه حتى الآن، مشيراً إلى أنه يتخوف من الفكرة. وقال خلال اللقاء: "أنا مش شخص تقليدي ولا اتربيت بشكل تقليدي، عمر ما أهلي قالولي تعالى في بنت هنعرفك عليها ولا جايبين ليك عروسة، ولا حتى أختي قالولها كده، معندناش المفهوم دا وكل واحد حر يعيش تجربته ومحدش جيه في يوم يسألني مش هتتجوز بقى". وأضاف: "في أي علاقة مكنتش بوصل لمرحلة أن واحدة تقولي مش هنتجوز، أنا خايف دي حاجة مطلقة أي راجل تقوليله هتروح تقابل أبو العروسة وعيلتها أنا بالنسبة ليا ده وأنا بحكي عنه جابلي ضيق تنفس، بقالي 10 سنين مدخلتش في علاقات عدت 9 شهور". وتابع حديثه "أنا مش بفكر إني فنان وأخسر معجباتي، أنا مش مهتم بده لأنه مش أولوية أنا عندي شغف وبحب التمثيل وعايز أمثل وأخرج أيا كانت النتيجة".