خذني من التبغ والا صير لي اصبعين اهون على الارض لا من طحت وانا رماد يا فكري اللي تصلي بي على قبلتين آنا مجرد مجرد من لذيذ الرقاد شاعر ولا ادري اخبي خنقة الروح وين اهيم في كل واد.. وسعد في كل واد ينساني الصبح بجراب السهر والحنين واقول سيف ونسوه بحضن ابوه الغماد لا تختصرني وانا احلامي طويلة يدين ولا تختزلني م بين الشك والاعتقاد ف ان كانك تشوفني لقمة بفم السنين ف انا اللحد كل ما شفته ذكرت المهاد بينت راسي وراسك ليش عيا يبين انك ما تنصفني اهون عندي من الحياد يسجن حيا وجهي من الصعلكة حاجتين نسيتهم وانشغلت ب كيف ابكي الجماد مليت أمل وتعبت أتعب إلين.. أي إلين؟ بعد المدد خذني لما بعد بعد المداد وارجع بي لقبل قبل امشي مع الراكضين طعم الكرى عنه لا تنشد خوي السهاد ما الله خلقني عشان ابكي على الراحلين والا عشان اكسي افراحي بلون الحداد اتركني امد صوتي في فضاء العابرين واميز الوجه هذا عن وجيه العباد وخل الليالي تنادمني على ركعتين واغفر لها كل جرح ما لقى له ضماد وقل لاصدقائي ترى عذر المسافة سمين أعطوني بردة رسول الله وخوذوا سعاد