تحدث الفنان بيومي فؤاد عن المواقف التي واجهته أثناء تصويره لأحد الأعمال الدرامية، التي قدمت خلال شهر رمضان، كذلك أوضح أنه لم يفعل مثل العديد من الفنانين، الذين يختارون مدراء أعمال لهم من أجل تنظيم أعمالهم الفنية ومواعيدهم، مشيرًا إلى أنه فقط يختار مساعدًا له ويعتمد على ذاته في ترتيب تلك المسألة. وقال «فؤاد»: «أنا عندي مساعد زي ما كل الناس عندها مساعدين، طالع عينه معايا وشقيان وأنا اللي بنظم المسألة بنفسي»، وتابع: «أنا عشوائي جدًا لكن ممكن في عز المشهد وهو داير، مع إن دي مش شغلتي، أروح قالع النظارة، وقايل يا جماعة أنا في المسلسل ده مش بنظارة». واستكمل: «حصلت في مسلسل مش فاكر إيه من المسلسلات، قلعت النظارة وقلتلهم أنا مش بنظارة، فرجعوا بسرعة هما كمان يشوفوا الورق فيه إيه، كان بقالي حوالي شهرين منزلتش المسلسل، وطبعًا بصيت لمساعد المخرج وعاتبته»، واستطرد: «طبعًا بعد كده خليت مساعدين المخرج في كل عمل يقولولي أنا في أي عمل، يعني يقولوا لي العمل ده مسلسل نيللي وشريهان يا أستاذ بيومي، والمسلسل ده اسمه كذا كده يعني». بوضوح النجم بيومي فؤاد يسخر من ظهوره بــ كثرة فى رمضان 2016 ويحكي موقف كوميدي داخل الكواليس من حلقة الاربعاء بتاريخ 20-7-206 تابعونا على فيسبوك وتويتر .. https://www.facebook.com/AlHayah1TV https://twitter.com/Alhayah1TV