نشرت شيماء سيف على صفحتها الشخصية على موقع التواصل الاجتماعي «فيس بوك»، تعليقًا تعبر من خلاله عن إنزعاجها من بعض الصحفيين الذين أشاروا إلى أنها تشابكت بالأيدي مع زميلتها في برنامج «نفسنة» الفنانة هايدي كرم، ما أدى إلى طردها من البرنامج، ولم تفصح «سيف» عن إن كانت ستترك البرنامج أم لا بسبب احترامها لبنود العقد التي تمنعها من الحديث عن التفاصيل، كما أوضحت أن «كرم» أيضًا نفت تلك الشائعة. وقالت «سيف»: «السادة الصحفيين اللى فى بعضهم وده عشان منعممش معدومى الضمير لمجرد أننا مردناش عليهم فى موضوع هل أنا سبت برنامج نفسنة أو لا قرروا يخترعوا قصة من وحى خيالهم، وينزلوها ومحدش فيهم احترم أن يكون في عقدى بند يمنعني إنى أتكلم عن البرنامج وأنا بحترمه.. هما عايزين خبر سخن وخلاص، وده اسمه قلة احترام، عمومًا ده تكذيب من هيدى للخبر ونفس الشئ مني، لأننا فنانين محترمين وعمرنا ما نوصل لكده، وسبت البرنامج أو لا ده سؤال هتتعرف إجابته مع عرض الحلقات، فياريت محدش يستعجل ولو حصل وسيبت البرنامج هيكون لأسباب تانية خالص، فبلاش تأليف عزيزي الصحفى من فضلك». وقالت هيدي كرم على صفحتها على «إنستجرام»: «يا جماعه الخبر ده خالي تمامًا من الصحه وما لوش أي أساس أصلًا». يا جماعه الخبر ده خالي تماما من الصحه و ما لوش أي أساس اصلا . See this Instagram photo by @heidykaram * 1,291 likes