نشرت إيمي أسامة شقيقة الفنان محمد أسامة الشهير بـ«أوس أوس» على صفحتها الشخصية على موقع التواصل الاجتماعي «فيس بوك»، تعليقًا من جانبها ترد به على الأشخاص الذين انتقدوا زوجة أخيها رويدا سالم، بسبب ظهورها في الصور يوم حفل زفافها حزينة، كما تكشف عن الحقيقة وراء ذلك. وقالت «إيمي»: «طب نقول كام معلومة على السريع كده، أولًا العروسه مش كئيبه بالعكس دي أطيب خلق الله ونعمه من ربنا أنه رزقنا بها في أسرتنا، الفكرة أن البنت استلموها تصوير من وهي في غرفتها لحد 2 بليل طبيعي هتفرهض ومش هتعرف تواصل الضحكه لآخر صورة». وتابعت: «الصور بتاعة الفلوس تعمل كل حاجه والجو القلش ده مجرد هزار من الناس ده ميديش أي حد الحق في إنه يدخل ويتفلسف ويقول دي اتجوزته ليه، ولا هو اتجوزها ليه، مش أول اتنين يتجوزوا يا جدعان، الأهم بقى في ناس كتير من حبايب وقرايب وأصحاب زعلانين جدًا أنهم متعزموش بس بجد والله الموضوع كان محكوم جدًا بعدد معين ودي قوانين الفندق نفسه ولازم نلتزم بيها ونعتذر جدًا والفرحة كانت ناقصة وجودكم كلكم». واستكملت: «آخر حاجه ياريت كل واحد بيحب أوس أوس يدعيله هو ورويدا بالخير ويجعل أيامهم سعيده، واللي مبيحبهوش خليك في حالك وبلاش صور وأي هزار سخيف».