تحدثت الفنانة حنان ترك عن عودتها إلى المجال الفني من جديد، بعد ولادة ابنتها الخامسة، لكن من خلال الأداء الصوتي داخل الأفلام الكرتونية، ونفت أي نية لديها للعمل في مسلسلات درامية أو سينمائية، موضحة ميلها إلى المسلسلات الكرتونية. وقالت «ترك» في برنامج «بالعربي ET»: «أنا موجوده لكن في مجال موازي للمجال بتاعي وهو الكارتون لأن عالم الكرتون سحرني وخلاص أخد كل وقتي، وبحضر لشخصية جديدة اسمها نونا ومن المفترض أن بيتعملها المسلسل دلوقتي وقاعده شغاله عليه بس طبعًا كلكم عارفين شغل الكرتون بيحتاج وقت رهيب جدًا». وتابعت: «مفيش شغل تليفزيون أو مسلسلات ومفيش حاجه جذبتني أقدر أعملها ده بكل صراحة، وشيء صعب كمان أن العمل لازم يناسب وضعي الحالي لكن أنا عملته قبل كده لكن ده كان أحسن ما قدرت أعمله إنما هل هو الصح أو المظبوط مش عارفه، لكن دلوقتي مش شايفة أن حاجه تقدر تغريني إلى هذه الدرجة لكن مجربتش كمان أكتب سيناريوهات بس ممكن أجرب». واستكملت: «أنا باركت في رمضان للأستاذ عادل إمام ولفت نظري محمد رمضان بس مش عايزه أظلم الباقي لأني مكنش عندي وقت خالص أتفرج إلا على الاثنين دول لأنهم بيتعارضوا مع وقت الفطار والسحور، وللأسف مشفتش مسلسل منى زكي أفراح القبة وسمعت عنه بس أعتقد كل الناس علقت عليه بأن هو لازم يتشاف بدون مسابقة رمضان لأنه مسلسل تقيل وحلو أوي». ET بالعربي مشاريع حنان ترك الجديدة أول برنامج من نوعه يغطي المحتوى الترفيهي العربي مع أكبر كم من الأخبار منوعة، والتي تشمل قصص عن المشاهير والأفلام والتلفزيون والموسيقى والموضة وبرامج المسابقات، والأحداث الخاصة والحصرية www.mbc.net/ET www.facebook.com/ETBilArabi www.Twitter.com/EtBilArabi