إن من الشعر ما يدخل الذائقة بلا استئذان مثل هذه المحاورة بين أبرز الشعراء.. رشيد الزلامي: من على هذا المكان اللي يشعشع نوره أسسه عبد العزيز وعمره سلماني يا سلام الله على أهل الديره المعموره يا معازيبي ويا ربعي ويا صدقاني شليويح المطيري: موقعٍ فيه الشرف والعدل ياخذ دوره كل ما غلقت قافك جاك قافٍ ثاني مرحبا باللي ليا منه رسم له صوره صورةٍ فيها الخطر بإسم الله الرحماني رشيد الزلامي: اتجه للغرب وأحوال العرب مستوره ما قراه الغامدي علم به الزهراني لقمة الهندي كبيره وقطعت حنجوره لو أترجم قصة الهندي قطعت لساني شليويح المطيري: إتجه للغرب وإقر اللي على السبوره ثم دور للطبيب مداوي المرضاني وأقضب الخط المقابل ثم أخذلك دوره والله اللي يفرق المسلم عن النصراني رشيد الزلامي: يا خويانا لا تصير أفكاركم محصوره كل عود يصير له شعله وله دخاني أنته الليله عوج وأعوج من الباكوره وأنت رأس غليس وأنت الصاحب القوماني شليويح المطيري: والله إنا ما نعصيك العصا المكسوره والمفتح مايعيش بديرة العمياني يالزلامي لاتجيب العمله المقبوره عوجتي مانته معدلها ولاتبلاني رشيد الزلامي: أنت ساكن في محلٍ ماتطير طيوره شد عن هذا ودور لك محلٍ ثاني لو خليت الجمل يبرك عليك بزوره كان بن شلاح يذكرني ولا ينساني شليويح المطيري: قاعدٍ لي في مكانٍ ماتشين زهوره وأنت خلصت العشاء وأقرعت بالقدحاني لو لحقت الوقت الأول ماعرفت عصوره جدك اللي باعها بالعرف مع جداني