عبرت الفنانة دنيا الحلو عن غضبها، إزاء التعليقات التي انهالت على صورها أثناء تشجيعها لنادي الزمالك في مباراته أمس أمام صن داونز الجنوب أفريقي، وكتبت عبر حسابها الرسمي على «فيسبوك»: «شكرا لكل حد بيبعتلي كلام حلو كده وجمهور زمالك شكرا لكل حد بيبعتلي انتي كنتي الحاجة الوحيدة الحلوة في الماتش بس بجد أنا وصلت لدرجة ندمت إني روحت ولو أنا حاجة الحلوة فعلا فمش عايزاها ولا عايزة كل اللي بيحصل ده لأني كنت رايحة أشجع النادي اللي بعشقه وعشان كان اسم مصر هيترفع مش عشان صور تنزل وشبيهة صافيناز ولا الحلوة بزياده ولااااااا ولاااااااا أنا فنانة ومن عيلة فنية بتشجع الزمالك طول عمرها واتربيت علي حب الزمالك شكرااا يا محترمين». وكانت الفنانة الحسناء  دنيا الحلو قد لفتت انتباه الجمهور المصري بعد مشاركتها أمس في مبارة الزمالك وصن داونز في نهائي دوري أبطال أفريقيا، وتبادل رواد مواقع التواصل الاجتماعي صورها أثناء تشجيعها فريق الزمالك في المدرجات. ما لفت الانتباه لدنيا الحلو هو وجه الشبه بينها وبين الراقصة الاستعراضية صافيناز، حتى ظن البعض أنها بالفعل لكن هي فنانة أخرى شابة مازالت تشق طريقها نحو النجومية. دنيا الحلو هي من عائلة الحلو المعروفة بتاريخه الفني في السيرك، وهي شابة تدرس التجارة في جامعة حلوان وشاركت في بعض الأعمال الفنية مثل مسلسل «أبو البنات»، كما شاركت في الجزء الرابع من مسلسل «سلسال الدم».