تحدثت الفنانة سمية الخشاب، خلال برنامج «ثلاثي ضوضاء الحياة»، الذي يذاع على قناة «الحياة»، عن الموقف الأغرب الذي تعرضت له من قبل جمهورها، وأشارت إلى أنها كانت تقود سيارتها أعلى كوبري 6 أكتوبر ورأتها امرأة جميلة ومعها أقاربها وقررت المرأة أن تسلم عليها وتقبلها، وعندما نزلت «الخشاب» من سيارتها زغردت المرأة وصعقت الفنانة. وقالت «الخشاب»: «وأنا سايقه لا في بلاوي من المواقف، وفي ساعات بلبس ناس في ناس، بيكون حد بيعاكس فبقوم عامله غرز بالعربية فيقوم هو يلبس بقى بعربيته، كانت في عربية جنبي وأنا على كوبري 6 أكتوبر وماشية بسرعتي العادية وفيها ست جميلة كده بيضه لابسه أسود وزي القمر، والعربية كلها بنات قرايبها وولاد أختها». وتابعت: «وقعدوا يشاورولي وقالتلي أنا بحبك أوي، أنا زي أمك لازم أبوسك وأنا على الكوبري مقدرش أوقف فجأة هوقف الطريق كله كده، قلتلها حاضر هتبوسيني أنزل بس وأركن، وفعلًا نزلت أسلم أنا نزلت وهي نازلة وعينك ما تشوف إلا النور، قامت مزغردة قلتلها استري عليا، قالتلي لازم تدوقي البط بتاعي والمحشي ده، أنا أمك لازم أبوسك». ثلاثى ضوضاء الحياة سمية الخشاب : هذا هو اغرب شئ حدث لي من الجمهور فى الشارع ! من حلقة السبت بتاريخ 22-10-2016 اقوى برامج الكوميديا ثلاثى ضوضاء الحياة مع محمود تركى ومينا نادر وميزو نجوم برنامج The Comedy فى برنامج اسبوع شبابى السبت الساعة 11 مساءًا على الحياة ويعتمد البرنامج على مجموعة من المواقف الكوميدية، والتي من المتوقع أن تتناول بعض المشكلات المتواجدة في وطننا العربي بطريقة ساخرة .