تداول رواد مواقع التواصل الاجتماعي مقطع فيديو للفنان الراحل محمود عبدالعزيز، وهو يتحدث عن الموت، خلال أحد مشاهد مسلسل «جبل الحلال». وفي المشهد سأل الفنان يسري مصطفى محمود عبدالعزيز: «إنت طول عمرك بتجري ورا الموت.. إنت إيه ما بتخافش؟»، ليرد الأخير عليه باللهجة الصعيدي: «حد يخاف من الموت يا دكتور، ده اللي يخاف منيه يبقى تعبان أوي، كيف تخاف من الخواف.. حد يخاف من الخواف!». وتابع عبدالعزيز: «طبعًا الموت خواف.. لو ما خوافش ما يجيش مستخبي»، وأردف: «هو خجول لدرجة معاوزش حد يشوفه، قربت منيه، لو قرب مني كتير وحسيت بأنفاسه». وفسر تشبيهه: «للموت أنفاس خفيفة زي النسمة، ما يحساهاش إلا المقصود، تحس ببرد نضيف داخل صدرك، هوا ملهوش مصدر ريحته جميلة، بيروحك من الحتة اللي إنت فيها، تبقى شايف الناس والناس شيفاك لكن لا تقدر تكلمهم ولا تقدر تقول لهم ابعدوه». وختم عبدالعزيز: «كل اللي عليك إنك تصاحبه، تطاوعه، آه لو كل حد عرف إنه هيقابلة مرة واحدة مكنش حد عمل الشر ده واصل». CBC Drama Timeline | Facebook محمود_عبدالعزيز: حد يخاف من الموتالموت خواف رحم الله الفنان القدير محمود عبدالعزيز CBC Drama