أعاد نشطاء على مواقع التواصل الاجتماعي تداول مشهد مؤثر للفنان المصري الراحل محمود عبد العزيز من مسلسله التليفزيوني "جبل الحلال"، وهو يتحدث فيه عن الموت. وقال الفنان المصري محمود عبد العزيز في المشهد الذي وصف فيه الموت: "اللي شاف الموت ميخافش منه، أصلي شوفته وعرفته، أقسم بالله شوفته وهو جاي علشان ياخد عمري، حسيت إني طلعت لفوق لفوق، وشوفت الأرض كأنها حبة رمل ما تساويشي، وتحس إنك خفيف خفيف، والموت حنين، وعمال يطمنك. وتابع في المشهد الذي شاركه فيه الفنان مظهر أبو النجا: "وشوفت قدامي شريط بيدور زي البكرة، ما بيقفش، شريط كله صور، وأنا هنا، وأنا في الجيش، وأنا في البلد، وأنا بقع، والنار من غير عود في جسمي". وأضاف: "اللي يحس بالموت ويصاحبه تتغير حياته، وبعدين احنا بنخاف من الموت ليه، وكلنا متنا كذا مرة، وانت شاب بيموت الطفل، وأنت شايب وعجوز بيموت الشاب، كلنا متنا كذا مرة، وكل مرة بنبكي، لكن مفيش أغلى من الحياة". Loading the player ...