قصة لقاء جمع حسني مبارك ومحمود عبدالعزيز في السعودية: «أنا جاي هنا علشان زعلان يا ريس»

  • 11/14/2016
  • 00:00
  • 3
  • 0
  • 0
news-picture

تحدث الفنان أحمد شاكر، في برنامج «الستات ميعرفوش يكدبوا»، الذي يذاع على قناة «سي بي سي»، عن الفنان الراحل محمود عبدالعزيز، وأشار إلى أنه كان يسكن في البناية ذاتها التي كان يعيش بها «الساحر»، كما قص موقفا تعرض له الراحل مع الرئيس الأسبق محمد حسني مبارك، عقب سفر الفنان إلى السعودية، أدى إلى حصوله على دور البطولة في مسلسل رأفت الهجان. وقال «شاكر»: «أنا علاقتي به ابتدت بأن أنا كنت ساكن معاه في نفس العمارة، قبل ما أطلع ممثل أصلًا، ولما قلتله أني عايز أدخل المجال الفني كان بيحاول يبعدني الأول، ويقولي المجال صعب وهتشوف تيار من الناس، وأنت في مدرسة ألماني فاطلع طيار ولا مهندس بقى، ولما لقاني مصمم حاول يساعدني، وعشت معاه مواقف كتير شخصية». ويضيف «شاكر»: «كان بيقولي إنت عارف دور رأفت الهجان ده أنا أخذته إزاي، قلتله لا، قالي أنا كنت مترشح للدور أول ترشيح، قالي وعرفت أن في نجم كبير حاول ياخذ الدور مني، قلتله وعملت إيه، قالي سيبتها على ربنا». وتابع: «أخدت ولادي وطلعت عمرة للسعودية، والناس هناك بتحبني، وكنت قاعد عند حد من الأسرة المالكة وحكامهم قالوا لى ده فيه زيارة والرئيس مبارك جاي، فراحوا لبسوني الزي الوطني السعودي، ووقفت معاهم، فالرئيس شافني قال: إيه ده شبه محمود عبدالعزيز، كلهم ضحكوا، وقلتله هو أنا يا فندم، وجاي هنا علشان حصل كذا كذا وقلت أسافر في عمرة وأنا زعلان يا ريس، قاله لا أنت اللي هتعمل الدور، ورجعه مصر وأصر أنه يعمل الدور». ويكشف «شاكر» أن «الاختيار كان بينه وبين عادل إمام»، مضيفا: «قاللي علشان عادل ميبقاش متضايق قلتله إيه يا أبو رامي شوف الفيلم وقوللي رأيك كده». ‎‫الستات مابيعرفوش يكدبوا | احمد شاكر : حسنى مبارك كان السبب لحصول الساحر على ‬ دور رافت الهجان حلقة الستات مايعرفوش يكدبوا وداعا محمود عبد العزيز يمكنك مشاهدة الحلقة الكاملة وباقي الحلقات هنا http://cbc.eg/I0ZGiX اشترك في قناتنا عبر يوتيوب هنا http://cbc.eg/fqMvLc الفيديوهات الأكثر مشاهدة http://cbc.eg/4TGRYW معلومة تهمك هنا http://cbc.eg/S69MWF تابعونا على website : www.cbc-eg.com/cbc Facebook : www.facebook.com/cbcegypt Twitter : www.twitter.com/cbcegypt Instagram : www.instagram.com/cbcegypt Google + : www.google.com/+cbcegypt #CBCegy | #منى_عبدالغني #مفيدة_شيحة | #الستات_مايعرفوش_يكدبوا ضيوف الحلقة سامى مغاورى عايدة رياض احمد شاكر احمد سلامة على ابو شادى

مشاركة :