تحدثت الفنانة داليا البحيري، في برنامج «ثلاثي ضوضاء الحياة»، عن مشاركتها في فيلم «محامي خلع» مع الفنان هاني رمزي، والمشهد التي ظهرت به وهي ترتدي «المايوه» وتنزل إلى مياه النيل، كما أشارت إلى أن الأشخاص الذين ظهروا في المشهد، أغلبهم يسكنون في تلك المنطقة وليسوا ممثلين، وأوضحت سبب خوفها الشديد من السباحة في المياه. وقالت «البحيري»: «كنا بنصور في مكان في أول طريق الصعيد واسمه العياط، والناس هناك جميلة جدا بس أول مرة يشوفوا تصوير هناك أو أي كاميرا، لما روحنا صورنا أختارنا المكان ده على وجه التحديد علشان يبقى قريب من مياه النيل ودوروا كثير علشان يلاقوا المكان، روحنا صورنا أسبوع كامل، وقالوا هنصور المايوه آخر يوم تصوير علشان نأخذ العدة ونجري، أتاري بقى الإنتاج كانوا بيصبروا الناس وقالوا لهم هي هتلبس المايوه آخر يوم، وكان الناس في المشهد على الضفة دول كلهم مش مجاميع، دول كان في 300 مجاميع والباقي أهل القرية بجد طلعوا يتفرجوا علي بالمايوه، فضيحة أه بس مش بجلاجل علشان قريبة في العياط مش الصعيد أوي». وتابعت: «بس المشكلة مكنتش في المايوه في البلهارسيا، وأنت بتطلع بتدوس في الطمي اللي ممكن توصلك البلهارسيا، وجبلنا دكتور أدانا علاج كده لكن اكتشفت أنه بيتأخد علشان يموت البلهارسيا لما تدخل في جسمك، وبعدها عملت تحاليل وأطمنت أني معنديش حاجه». ثلاثى ضوضاء الحياة داليا البحيري عن فيلم محامي خلع : القرية كلها فضلت مستنية تشوفنى بالمايوه من حلقة السبت بتاريخ 19-11-2016 ضيفة الحلقة داليا الحيري اقوى برامج الكوميديا ثلاثى ضوضاء الحياة مع محمود تركى ومينا نادر وميزو نجوم برنامج The Comedy فى برنامج اسبوع شبابى السبت الساعة 11 مساءًا على الحياة ويعتمد البرنامج على مجموعة من المواقف الكوميدية، والتي من المتوقع أن تتناول بعض المشكلات المتواجدة في وطننا العربي بطريقة ساخرة .