كشف الملحن، محمد علي سليمان، في برنامج «الستات ميعرفوش يكدبوا»، الذي يذاع على قناة «سي بي سي»، عن اهتمام الفنان الراحل محمد عبدالوهاب بصوت أنغام منذ طفولتها، مشيرًا إلى أن هذا الاهتمام بدأ حينما قرر «سليمان» أن تؤدي أنغام بصوتها أغنية «بسبوسة». وقال «سليمان»: «الأستاذ المايسترو حسين جنين، كان فكر في أن أنغام تغني مع فرقة المعهد، وهي فرقة أم كلثوم، أغنية بسبوسة، وأنا بعمل في الركن البعيد الهادي، فكرت بذكاء الأب أني عايز بنتي تبقى أحسن مني، ففكرت في فكرة وكلمت الأستاذ محمد عبدالوهاب على التليفون، كلمته قلتله أنا بستأذن حضرتك وأنغام بنتي بتغني، فممكن أسجل أغنية بسبوسة من جديد وأدخل شوية ألحان عليها وأغير التوزيع، قلتله بعد أذن حضرتك وأسمعك قبلها كمان، قالي أنا أثق بك، وحطيت الأغنية في شريط في الركن البعيد الهادي، وفي يوم ما بعد ما الشريط نزل، فوجئت بالتليفون الأرضي الأستاذ بيكلمني وعرفت صوته علطول». وتابع: «قالي أنا سمعت النغنوغة بتاعتنا بتغني بسبوبة حلو أوي خالص قد الدنيا كلها، حسيته بيكلم بيبي هو عايز يوصل الكلمات دي لأنغام، وقالي هي موجودة أنا عايز أكلمها، ناديتها قلتلها تعالي يا أنغام الأستاذ عبدالوهاب هيكلمك، وهو حبيبها هو ورياض السنباطي، قالتلي هو كلمني وقالي هطلب منك كل أسبوع أغنيتين واسمعهم منك الأسبوع اللي بعده، وكان له وجهة نظر بيجهزها، وفعلًا عمل كده وطلبها، وفي يوم قلتله أنا حوشت 20 ألف جنيه قالي كويس، قلتله عايز أروح للأستاذ مجدي العمروسي مدير أعمال الأستاذ عبدالوهاب، قالي خير ليه قلتله علشان تلحنلها أغنية، قالي أعوذ بالله أنا أخذ من بنت أخويا، بس اللي حصل أنه توفي». الستات مابيعرفوش يكدبوا | تعرف على تفاصيل طلب محمد عبد الوهاب للمطربة انغام بعد غناء بسبوسة حلقة الستات مايعرفوش يكدبوا لقاء مع الموسيقار محمد على سليمان يمكنك مشاهدة الحلقة الكاملة وباقي الحلقات هنا http://cbc.eg/I0ZGiX اشترك في قناتنا عبر يوتيوب هنا http://cbc.eg/fqMvLc الفيديوهات الأكثر مشاهدة http://cbc.eg/4TGRYW معلومة تهمك هنا http://cbc.eg/S69MWF تابعونا على website : www.cbc-eg.com/cbc Facebook : www.facebook.com/cbcegypt Twitter : www.twitter.com/cbcegypt Instagram : www.instagram.com/cbcegypt Google + : www.google.com/+cbcegypt #CBCegy | #منى_عبدالغني #مفيدة_شيحة | #الستات_مايعرفوش_يكدبوا